Online news maintained by Arn Antonette D. Carollo. We will publish your news for free just email it to misoccnews@gmail.com Call or Text +63908 - 206 - 0158               +63908 - 206 - 0158                    +63908 - 206 - 0158      

Tuesday, September 14, 2010

MOELCI-II mibayad na og P3M sa Ozamiz


HINGPIT na nga mibayad ang Misamis Occidental Electric II Cooperative Incorporated (MOELCI-II) sa ilang gisaad nga P3 M ngadto sa Local Government Unit (LGU) isip kabahin sa ilang gikasabutan aron nga dili ihinayon ang pag-padlock sa ilanng buhatan.

Sa nakuha nga kasayuran sa Ozamiz City Treasurers Office, nakumpirma nga gituman ni MOELCI-II general manager Jemilou Pelimer ang iyang gisaad atol sa gipahigayon nga joint press conference.

Ang P3 M nga gibayad ni Pelimer mao ang ilang obligasyon sa gobiyerno nga real property tax ug franchise tax.

Nasayran nga ang MOELCI-II adunay balayronon nga P1,622,652.52 sa real property tax ug P7,101,311.98 alang sa franchise tax.

Nasayran nga ang gipanilngan ang MOELCI-II og franchise tax tungod kay wala kini moparehistro isip kooperatiba ilalom sa Cooperative Development Authority (CDA) sibo sa gilated sa Republic Act 6938.

Sibo sa saad ni Pelimer lakip sa ilang giproseso ang paglukat og business permit , occupancy permit ug building permit.

Nasayran nga sukad nga natukod ang buhatan sa sugang dagitabnon nga MOELCI-II niadtong 1976 wala kini gi-require sa LGU og business permit.

Kahinumduman nga wala mahinayon ang pagpadlock sa buhatan sa MOELCI niadtong Agosto 18, tangkod nga ika-15 ka adlaw sa pagpadala og demand letter sa LGU ngadto sa MOLECI-II apan human nga nagksabot.

Nag-ugat ang bangi sa LGU ug MOELCI-II human nga gipamutlan sa nahauna ang mga streetlights sa sentrong bahin sa siyudad.

Sa iyang kabahin, gipadayag ni Jonathan Rubio, City Administrator nga ang gihimo nga lakang sa LGU dili ingon nga mibalos apan igo lamang niini gipatuman ang nahasubay ug nalatid sa balaod.(NEPTALIE BATOLENIO)

Taskforce ania na sa MisOc

OPISYAL na nga midangat sa lalawigan sa M isamis Occidental partikular sa Ozamiz City ang Taskforce nga gitahasan sa pagbungkag sa Partisan Armed Groups (PAGs).

Gikompirma ni Misamis Occidental 2nd District representative Loreto Leo Ocampos nga aduna nay inisyal nga puwersa sa nga midangat sa lalawigan ilabina sa Ozamiz City.

Gipadayag ni Ocampos nga midangat na sa Ozamiz City si senior Superintendent Catalino Rodriguez, ang taskforce commander nga nadistino sa Misamis Occidental.

Nasayran nga si Rodriguez kanhi PNP regional director sa Northern Luzon.

Gidugang ni Ocampos nga gawas sa inisyal nga tropa nga nahiluna na sa lalawigan umaabot usab ang laing kompanya sa mga awtoridad nga kabahin sa taskforce nga nadistino sa lalawigan sa Misamis Occidental.

Gisaysay niini nga giaprobahan na ni Department of Interior and Local Government (DILG) secretary Jesse Robredo ang deployment sa usa ka company sa Special Action Force (SAF) nga madistino sa lalawigan sa Misamis Occidental.

Dako ang pagtuo ni Ocampos nga ipahiluna sa Ozamiz City ang taskforce, ilabina una na nga gitumbok niini nga ang dakbayan adunay PAGs nga naglihok nga sa kaulahian iyan gitumbok nga mao ang Kuratong Baleleng.

Pasabot sa kongresista nga ang pagpahiluna sa taskforce sa Ozamiz kabahin sa pagtabang sa chief executive sa Ozamiz.

“Ang pagbutang sa taskforce is to help the mayor, the people of Ozamiz City ilabina ang katawhan sa Misamis Occidental,” padayag ni Ocampos.

Gipunting ni Ocampos nga ang mahadlok sa taskforce kadtong mga tawo nga adunay illegal nga kalihukan.

Kahinumduman nga una na nga gipadayag ni Ozamiz City mayor Nova Princess Parojinog-Echavez nga iyang gidawat ang pagdangat sa taskforce sa Ozamiz City.

Saysay niini nga ang iyang pagdawat tungod sa iyang pagtuo nga dako kini og ikatabang sa peace and order situation sa Ozamiz City, ilabina nga nakasinati ang dakbayan sa kakulang sa ginsakupan sa kapolisan.

Gidayeg usab ni Ocampos ang reaksiyon ni Echavez nga pagdawat sa taskforce, dungan sa paghinaot nga seryoso kini sa maong lakang.(NEPTALIE BATOLENIO)

Torismo sa MisOc apektado sa isyu sa PAGs

BISAN ang natad sa torismo saMisamis Occidental natay-og sa balita nga ang lalawigan nalakip sa mga dapit nga adunay partisan armed groups (PAGs) sama sa Abra ug Masbate.

Gipadayag ni Gerald Ramiro, provincial tourism council chairman sa Misamis Occidental nga gumikan sa gipdayag ni Misamis Occidental 2nd District Representative Loreto Leo Ocampos nga buhi pa gihapon ang presinsiya sa Kuratong Baleleng, dako kini og mahimong epekto sa natad sa torismo.

Gidugang ni Ramiro nga duna na hinuon silay mga lakang nga giandam aron nga makapadani gihapon og mga katawhan nga mobisita sa lalawigan taliwala sa dili maayong balita nga gipagawas ni Ocampos ilabina ngadto sa national media.

Saysay ni Ramiro nga iyang gidahuman nga normal lamang ang isyu nga sama sa gibuhian ni Ocampos ilabina sa hilisgutanan nga politika apan nagtuo siya nga gi-personal ni Ocampos ang pagpagawas sa nasangpit nga isyu.

Nanawagan na lamang siya sa kongresista nga kon aduna man siyay mga namatikdan dal-on kini sa proper forum og dili na lamang kini dal-on ngadto sa media.

Iyang gipasabot nga ang provincial tourism council aduna nay pamaagi nga nakita aron nga makapadani gihapon og mga torista ang lalawigan.

Pasabot pa ni Ramiro nga sa dihang gobernador pa si Ocampos labing gipaasdang na niini ang torismo sa lalawigan apan karon nga nahimo na kini nga kongresista daw sa giguba niini ang torismo sa lalawigan.

Naalarma usab si Governor Herminia Ramiro niini hinungdan nga mipatawag kini og usa ka emergncy peace and order council meeting, diin iyang gipadayag nga dako ang posibilidad nga adunay mga potential nga mga investors nga mosibog gumikan sa maong taho.

Si Gerald, anak sa gobernador sa Misamis Occidental.

Sumala sa kasaligan nga tinubdan ania na sa Ozamiz City ang giingong taskforce nga mobunkag sa mga private armies.(NEPTALIE BATOLENIO)

MOELCI-II sirad-an saLGU-Ozamiz karong adlawa


POSIBLE nga sirad-an o i-padlock sa Local Government Unit (LGU) Ozamiz ang Misamis Occidental II Electric Cooperative, Inc., (MOELCI-II) karong adlawa, Agosto 18 kon dili kini motubag sa demand nga kinahanglan nga mobayad sila sa ilang wala mabayri nga mga buhis.

Sa usa ka press conference, gipadayag ni Atty. Cornelio Villarino, Jr., Ozamiz City legal officer nga mapugos ang LGU-Ozamiz sa pagpasirado sa buhatan sa MOELCI II, ilabina kon dili nila tagdon ang demand letter nga gipadala.

Saysay ni Villarino nga posible nga i-padlock karong adlawa ang buhatan sa MOELCI- II gumikan kay nag-operate kini nga walay business permit, occupancy permit ug building permit.

Sa iyang kabahin, gipadayag ni Engineer Romeo Cabrera, Ozamiz City Engineer nga andam na ang tanan nga mga gikinahanglan alang sa pagsirado sa buhatan sa MOELCI-II.

Kahinumduman nga nag-ugat ang daw bangi sa MOELCI-II ug sa LGU-Ozamiz human nga gipamutlan sa kutay sa sugang dagitabnon ang nagkadaiyang street lights sa sentrong bahin sa Ozamiz.

Nasayran nga ang LGU-Ozamiz adunay utang sa MOELCI-II nga P16,795,020.24
Gumikan niini giutingkay sa legal departments sa LGU ang records sa MOELCI II.

Nasayran nga adunay utang ang MOELCI II ngadto sa LGU nga P1,622,652.52 sa ilang real property tax.

Tungod usab nga ang MOELCI II dili rehistrado nga kooperatiba ilalom sa Cooperative Development Authority (CDA) sibo sa Republic Act 6938 aduna silay wala mabayri nga Franchise Tax nga P7,101,311.98.

Gisugilon ni Villarino nga ang MOELCI-II igo lamang usab mihatag sa LGU Ozamiz og Statement of Account nga walay actual consumption sa nagamit nga kuryente nga tataw nga paglapas sa Commission on Audit (COA) Rules and Regulation.

Taskforce welcome sa Ozamiz--Echavez


BISAN una na nga migawas ang espekulasyon nga adunay wala matino nga grupo nga moduso og petition nga babagan ang pasulod sa ‘special taskforce’ sa lalawigan sa Misamis Occidental ilabina sa Ozamiz City, gikompirma karon ni Ozamiz City mayor Nova Princess Parojinog-Echavez nga ‘welcome’ sa dakbayan ang maong grupo.

Gidugang ni Echavez nga kon modangat sa siyudad ang Taskforce iya kining dawaton tungod kay nasayod siya nga makatabang kini sa pagpatunhay sa dagan sa kahusay ug kalinaw sa siyudad.

“Very much welcome ang taskforce sa Ozamiz ilabina nga makatabang kini nato,” pasabot sa Mayor.

Iyang gidugang nga makatabang ang taskforce sa peace and order ilabina nga nakasinati ang Ozamiz og kakulang sa gisakupan sa PNP.

Hinuon, gisaysay ni Echavez nga kinahanglan nga moalayon usab sa pangagamhanan sa Ozamiz ang taskforce nga dili makabalda sa mga gimbuhaton sa siyudad.

Kahinumduman nga gumiikan sa giingon nga presensiya sa partisan armed groups (PAGs) sa lalawigan sa Misamis Occidental, butangan ang probinsiya og taskforce aron sa pagsumpo sa armadong grupo.

Ang taskforce mugnaon gikan sa Directorate for integrated police operations (DIPO) aron masiguro nga hingpit nga mabungkag ang mga PAGs.

Sa iyang kabahin, gipadayag ni Misamis Occidental 2nd District representative Loreto Leo Ocampos nga sila si PNP chief director General Jesus Verzosa ug AFP chief Lt. General Ricardo David mipirma og joint directive sa kampanya sa pagbungkag sa mga private armed groups human sa usa ka conference sa Camp Crame PNP headquarters.

Gidugang ni Ocampos nga ang pagmugna sa taskforce kabahin sa marching order ni Presidente Noynoy Aquino sa pagbungkag sa mga armadong grupo. (NEPTALIE BATOLENIO)

Echavez mitubag sa isyu batok sa mga Parojinog

NAHIMONG EMOSYONAL si Ozamiz City mayor Nova Princess Parojinog-Echavez nga miatubang sa mga sakop sa media aron motubag sa mga isyu nga gipagawas ni Misamis Occidental 2nd District Congressman Loreto Leo Ocampos batok sa ilang pamilya ilabina ngadto sa iyang amahan.

Mitulo ang luha ni Echavez sa dihang mitubag sa mga isyu nga gibato ni Ocampos, human nga migawas sa national media ang isyu nga si former Mayor Reynaldo ‘Aldong’ Parojinog, Sr., ang nangulo sa Kuratong Baleleng Ozamiz City nga naglihok sa dakbayan.

Lakip sa akusasyon nga ang iyang amahan ang nagulo sa mga nahitabong bank robberies, carnapping, kidnapping, gun for hire ug drug trafficking.

“Halos tanan nga illegal ang ilang gipasangil sa akong amahan,” dugang sa mayor.

Gidugang sa pagsugilon ni Echavez nga nabalaka siya sa maong isyu tungod kay dili lamang kini isyu batok sa mga Parojinog apan isyu kini batok sa tibuok Ozamiznon nga maapektuhan .

Giangkon ni Echavez nga nabalaka siya karon tungod kay iyang gisabot nga ang iyang amahan ang nahimong target sa isyu.

Nanawagan usab si Echavez sa katawhan sa Ozamiz nga motabang sa pagpanalipod sa iyang amahan ilabina nga nahimo kining maayong mayor sa Ozamiz sulod sa siyam ka tuig nga walay record sa pagpangabuso.

Nagtuo ang mayor nga politika ang hinungdan sa maong isyu.

Nalakbitan usab ni Echavez ang kamatayon kanhi ni former Board member Renato “Nato” Parojinog niadtong tuyig 2002 nga giingong resulta gihapon sa politika nga hangtud karon wala pa mahatagi og hustisya.

“It pains me nga wala pa gyud diya mahuman ang election fever,” dugang ni Echavez.
Saysay ni Echavez nga nakaabot kaniya ang taho nga si kanhi mayor Aldong giakusahan nga responsabli sa plano nga assassination plot ni Presidente Noynoy Aquino III atol sa inagurasyon niini.

Iyang gisabot nga usa ka harassment ang gihimo ni Ocampos ngadto kanila tungod kay nahuman naman unta ang politika.

Gipadayag ni Echavez nga ang taho nga gipagawas ni Ocampos nga adunay partisan armed groups (PAGs) ang Ozamiz City usa lamang ka pormalidad aron malakip ang lalawigan nga mabutangan sa taskforce.(NEPTALIE BATOLENIO)

Ozamiz dunay ‘portable shabu laboratory’?

NAGTUO si Misamis Occidental 2nd District congressman Loreto Leo Ocampos nga adunay shabu laboratory ang Ozamiz City apan sukwahi kini sa naandan nga laboratory.
Gipadayag ni Ocampos nga ang giingong shabu laboratory gitawag nga ‘portable shabu laboratory’.

“Ang laboratory karon sa shabu mobile, portable dili sama kaniadto, karopn duna silay bag-ong teknolohiya,” saysay ni Ocampos.

Gipasabot niini nga minunot usab sa ka abante sa teknolohiya ang shabu laboratory hinungdan nga magbalhinbalhin kini og dapit.

Dugang sa kongresista nga dili lamang sa Pilipinas ang operasyon sa giingong paghimo og shabu apan naglangkob kini sa Southeast Asia.

Pahayag ni Ocampos nga gawas sa bag-ong mga teknolohiya nga gigamit bag-o usab ang mga ingredients nga gigamit sa paghimo og shabu.

“Dako nga operasyon kini, integrated kini sa Luzon, Visayas, Mindanao,” dugang ni Ocampos.

Saysay sa kongresista nga ang maong impormasyon, adunay kasayuran niini ang Camp Crame hinungdan nga usa sa pagpahimutang og Task Force ang pagsumpo usab sa maong kalihukan.

Gipunting usab ni Ocampos nga ang Ozamiz daw nahimong dangpanan sa mga criminal.
Iyang gidugang sa pagsugilon nga kon adunay tulis nga mahitabo sa Manila ang mga criminal modagan ug motago dayon sa Ozamiz City.

“Tulis sa Manila, pag-init na modagan dayon kini sa Ozamiz City,” asoy ni Ocampos.

Nagtuo si Ocampos nga dili mahilabtan sa Ozamiz ang mga criminal tungod klay adunay political protection.

Sa iyang kabahin, una na nga gipadayag ni Ozamiz City mayor Nova Princess Parojinog-Echavez nga naningkamot siya nga mahimong magmalinawon ang Ozamiz.

Apan nasubo lamang siya nga adunay mga tawo nga kanunay nga nangdaot sa Ozamiz City.

Gani pasabot ni Echavez nga mag-hire siya og tawo nga mo-package sa Ozamiz aron mawala na ang dili maayong imahen sa Ozamiz City.(NEPTALIE BATOLENIO)

Navarro napili nga Federated President sa PCL Misamis Occidental


NAKATULO ang luha ni Copuncilor Elsa Navarro sa Lungsod sa Clarin, Misamis Occidental gumikan sa kalipay human siya napili nga Presidente sa gipahigayong election sa PCL Provincial Federation Chapter sa Misamis Occidental niadtong Agosto 9 sa Provincial Cultural and Farmers Center, Oroquieta City.

Gipadayag ni Navarro nga siya nagpasalamat sa Diyos una sa tanan ug sa iyang mga kauban nga mga Konsihal sa nagkadaiyang Lungsod ug siyudad sa Probinsya sa Misamis Occidental sa ilang paghatag kaniya’g kumpiyansa nga mahimo nilang Presidente sa naasoy nga kahugpungan.

Nagpasalamat usab siya sa iyang kapikas nga si Clarin, Municipal Mayor David Navarro gumikan sa pagdasig, pag-abag ug pagsuporta kaniya sa mao nga election sa PCL.

16 botos ang labaw ni PCL Provincial Federation President Navarro sa iyang kaatbang ug kauban nga konsihal sa Lungsod sa Clarin nga si Konsihal Angelito Tagaloguin sa botos nga 61 – 45. Samtang 28 botos ang nakuha ni City Councilor Henry Regalado sa Oroquieta, 15 botos ang nakuha ni konsihal Mario Chenn Castro sa Lungsod sa Clarin ug 14 botos ang kang Konsihal Edemar Alota sa Tangub City. Si Konsihal Benjamin Galindo ang napili nga bisi Presidente nga nakaangkon ug 49 botos kontra nila ni Emilou Animas sa Municipality of Sapang Dalaga nga mitala ug 37 botos, konsihal Mario Ferraren sa siyudad sa Ozamiz 25 botos, Konsihal Rolf Alan Baz 22 botos ug konsihal Ricky Bulahan sa Lungsod sa Bonifacio 18 botos.

Walay miatbang kang Konsihal Kimberly Butalid pagka Secretary General sa PCL Provincial Federation Chapter sa Misamis Occidental.

Si konsihal Florepes Cepe sa Lungsod sa Lopez Jaena ang napili nga Treasurer. Konsihal Rosena Maniwan sa Lungsod sa Sapang Dalaga Auditor. Konsihal Paulita Galleros P.R.O. samtang walay kaatbang sa pagpapili si konsihal Elsie Llanes pagka Business Manager ug BOD’s usab sila si konsihal Jorge Quiza, Konsihal Genaro Jalapit, konsihal Simplicia Neri sa ciudad sa Ozamiz, konsihal Michael Gutierrez ug konsihal Edilberto Gripo.

165 ka mga Municipal and City Councilors sa 14 ka Lungsod ug 3 ka siyudad ang miapil sa gipahigayong Election sa PCL Provincial Federation Chapter sa Misamis Occidental.(NEPTALIE BATOLENIO)

Walay problema ang bugas sa MisOc

ANAA sa maayong kahimtang ang mga bugas sa National Food Authority (NFA) sa mga nagkadaiyang whare houses sa lalawigan sa Misamis Occidental.

Gipadayag ni Glorioso Manlegro, provincial operation officer sa NFA-Misamis Occidental nga sukwahi sa ubang mga wharehouses sa NFA sa nasud, anaa sa maayong kahimtang ang mga bugas sa NFA sa lalawigan.

Gisaysay ni Manlegro nga wala atakiha sa bokbok ug wala mangabaho ang NFR rice dili sama sa ubang bugas sa ubang bahin sa nasud nga gipistahan sa mga ulod busa dili na maayong ipakaon sa mga tawo.

Nasayran nga moabot sa 190,000 ka sinakong NFA rice ang naa sa wharehouses sa NFA-MisOc.

Ang maong gidaghanon sa stock sa NFA rice nahipos gikan sa gihimong procurement kon pagpamalit sa miaging bulan.(NEPTALIE BATOLENIO)

Kuratong Baleleng buhi pa--Ocampos

NAGSUNGI ang pamahayag sa kongresista sa ikaduhang distrito sa lalawigan sa Misamis Occidental ug sa Mayor sa Ozamiz City may kalambigitan sa giingong presisnsiya sa Kuratong Baleleng sa dakbayan.

Bisan tuod nga sila si Ozamiz City Mayor Nova Princess Parojinog-Echavez ug Kongresista Loreto Leo Ocampos managsamang nag-angkon nga gusto sila nga makabaton og usa ka malinawon nga dapit apan wala sila magkauyon sa baruganan may kalambigitan sa presinsiya sa Kuratong Baleleng.

Saysay ni Echavez nga ang orihinal nga Kuratong Baleleng dako og gikatabang sa Ozamiz City tungod kay kini gimugna batok sa suliran sa insurhensiya. Human niadto nabungkag na kini.

Giangkon sa mayor nga ang Kuratong Baleleng dugay na nga nabungkag ug walay kamatuoran ang pagtuo sa uban nga adunay grupo sa Kuratong Baleleng nga mohimo sa pagpanulis ug mohimo sa unsa man nga krimen.

Hinuon, giangkon sa mayor nga adunay ‘stigma’ ang Ozamiz City nga nalambigit ang grupong Kuratong Baleleng.

Saysay ni Echavez nga adunay ubang tawo nga migamit sa maong grupo nga mihimo og mga dili maayong buhat.

Dugang niini nga karon nga siya nahimong mayor sa Ozamiz dili kalikayan nga aduna gyuy mangutana kaniya maykalambigitan sa kahimtang sa Ozamiz ilabina nga apo siya ni Octavio 'Ongcoy' Parojinog, Sr., ang founder sa Kuratong Baleleng.

Dugang ni Echavez nga usahay mahimuot siya sa mga moduol ug makigsulti kaniya may kalambigitan sa Ozamiz tungod kay ang tan-aw sa ubang tawo sa dakbayan ilabina sa kaulohan ug sa ubang lugar ang Ozamiz dapit sa Kuratong Baleleng.

Dili usab malikayan nga anaa sa mga tawo nga idugtong sa Kuratong Baleleng ang bansagon nga Parojinog, ilabina nga siya anak ni kanhi Mayor Reynaldo 'Aldong' Parojinog, Sr.

Nakita ni Echavez nga usa ka bintaha nga siya mayor tungod kay makahimo na siya sa pagsaysay ngadto sa mga tawo nga magpakisusi may kalambigitan sa Kuratong Baleleng.

Dugang niini nga mosamot nga dili maayo ang dungog sa Ozamiz ilabina kon adunay mga tawo nga magsige og pangdaot sa siyudad.

Sa iyang kabahin, gipdayag ni Ocampos nga common knowledge sa katawhan sa Misamis Occidental ilabina sa Ozamiz City nga aduna pa gihapon ang Kuratong Baleleng diin usa kini sa gitumbok nga partisan armed groups (PAG’s) ni PNP chief Jesus Verzosa.
“Kuratong Baleleng still alive,” saysay ni Ocampos.

Iyang gidugang nga kinahanglan nga dawaton ang kamatuoran aron nga kahatagan kini og kasulbaran nga dunay suliran ang Ozamiz may kalambigitan sa mga nahitabong krimen.

Hinungdan nga nanawagan siya sa mga kadagkuan sa Ozamiz City nga dawaton ang kamatuoran nga adunay suliran ang siyudad ug mag-hiusa sila alang sa pagsulbad niini.

Una na usab nga gipadayag sa kongresista nga ang Taskforce nga modangat sa lalawigan sa Misamis Occidental nakasentro kini sa pagwagtang sa mga armadong grupo nga mihimo sa nagkadaiyang krimen.

Bisan tuod nga ang duha ka mga opisyal magkasungi sa pipila ka mga baruganan apan pulos sila gusto og kalinaw alang sa maayong pagserbisyo ngadto sa katawhan.(NEPTALIE BATOLENIO)

MisOc butangan og taskforce batok PAGs--Ocampos

GUMIKAN sa giingon nga presensiya sa partisan armed groups (PAGs) sa lalawigan sa Misamis Occidental, butangan ang probinsiya og taskforce aron sa pagsumpo sa armadong grupo.

Ang taskforce mugnaon gikan sa Directorate for integrated police operations (DIPO) aron masiguro nga hingpit nga mabungkag ang mga PAGs.

Ang lalawigan sa Misamis Occidental lakip sa Abra ug Masbate nga labing gitutukan sa awtoridad.

Gipadayag ni Misamis Occidental 2nd District representative Loreto Leo Ocampos nga sila si PNP chief director General Jesus Verzosa ug AFP chief Lt. General Ricardo David mipirma og joint directive sa kampanya sa pagbungkag sa mga private armed groups human sa usa ka conference sa Camp Crame PNP headquarters.

Nasayran nga sa 107 ka mga PAGs adunay 65 niini ang padayon nga naglihok sa tulo ka mga lalawigan.

Gidugang ni Ocampos nga ang pagmugna sa taskforce kabahin sa marching order ni Presidente Noynoy Aquino sa pagbungkag sa mga armadong grupo.

Saysay sa kongresista nga iyang gi-request nga mabiutangan og taskforce ang lalawigan diin iyang gi-special mention ang Ozamiz City apan natukma usab tungod kay gaplano nang daan ang AFP nga butangan og taskforce ang lalawigan.

Saysay ni Ocampos nga ang matag-dapit adunay lainlain nga approach alang sa pagsulbad sa mga armadong grupo.

Gikutlo usab ni Ocampos ang pamahayag ni Versoza nga ang lalawigan sa Abra ug Masbate adunay gitawag nga culture of violence tungod sa presinsiya sa mga armadong grupo.

Samtang sa Misamis Occidental giingong taudtaod na nga gaantos sa taas nga higayon sa presisnsiya sa mga criminal elements nga nalambigit sa smuggling, kidnap for ransom, robbery ug drug trafficking.

Kahinumduman nga una na nga miiktad si Ozamiz City mayor Nova Princess Parojinog-Echavez sa pagkalakip sa Misamis Occidental nga nalinya sa Masbate ug Abra nga adunay armadong mga grupo.

Diin gisaysay niini nga si Verzosa gihatdan lamang og sayop nga impormasyon.(NEPTALIE BATOLENIO)

PNP MariCom nanawat og aplikante

SA tuyo nga labing mapalig-on ang kahugpungan sa Philippine National Police, Maritime Group nagsugod na sila karon sa pagpangdawat og mga aplikante niining tuiga alang sa Police officer 1 (PO1).

Sa pahibalo nga gipadangat ni Police senior inspector Nolasco Ratilla, sa 1003rd Maritime police station nga nakabase sa Ozamiz gisaysay niini nga kini pinaagi sa regular recruitment program.

Gidugang niini nga ang tanan nga mga na-screened nga mga aplikante moadto lamang sa headquarters sa Regional Maritime office 10 nga nahimutang sa Puntod, Cagayan de Oro City diin pagkahuman i-indorsed kini sa ilang ulohang buhatan sa Camp Crame sa pagka Septiyembre 7.

Nasayran usab nga himuon ang agility test sa pagka Septiyembre 14.

Gisaysay ni Ratilla nga ang mga rekisitos alang sa mga aplikante naglangkob sa personal data sheet-CSC form 212, Birth certificate nga authenticated sa NSO, Diploma o transcript of records, elegibilities, mga clearances nga naglangkob sa :barangay, polilce, mayor, fiscal, MTC, RTC, ug NBI; apil usab sa requirement ang handwriting spicemen, fringer print, usa ka whole body picture ug duha ka 2x2 ID picture.

Gikinahanglan usab ang physical examination, drug test ug Neuro examination. (MICHAEL TAMALA)

MisOc walay partisan armed group--Echavez

MIIKTAD ang usa ka mayor sa lalawigan sa Misamis Occidental sa gipahayag ni Philippine National Police (PNP) chief, director general Jesus Versoza nga nalakip ang probinsiya sa mga dapit nga adunay gitawag nga ‘partisan armed groups’ (PAGs) nga padayon nga naglihok hangtud karon.

Gipadayag ni Ozamiz City Nova Princess Parojinog-Echavez nga dili makatarunganon ang gipahayag ni Verzosa tungod kay walay kamatuoran ang nasangpit nga balita.

Bisan wala hinganli ni Verzosa ang Ozamiz City, gipadayag ni Echavez nga mipagawas siya sa maong reaksiyon tungod ka yang dakbayan nasakop man sa Misamis Occidental.

Nagtuo si Echavez nga ang PNP chief gihatdan og sayop nga impormasyon hinungdan nga nakapagawas sa nasangpit nga balita.“I believe he was feed by wrong information,” saysay ni Echavez.

Bisan wala hinganli ni Echavez ang tawo nga naghatud sa impormasyon iyang gisaysay nga usa kini ka dakong opisyal sa Misamis Occidental.

Kahinumduman nga migawas sa Manila Bulletin newspaper niadtong Agosto 2, ang pahayag ni Verzosa nga gitumbok ang probinsiya sa Abra, Masbate ug Misamis Occidental nga adunay daghang sakop sa mga armadong tawong o PAGs.

Gani mihangyo ang PNP sa militar nga magpatabang sa pagsumpo sa mga armadong grupo.

“This will be a reinvigorated fight against partisan armed groups, our continuous neutralization against partisan armed groups will now include the Armed Forces of the Philippines,” pahayag ni Verzosa.

“We will be coming up with a joint letter directive for policy for our troops, probably this week” dugang niini.

Base sa bag-o nga operational plan, gisaysay ni Verzosa nga tulo ka mga dagkong taskforce ang mugnaon nga nakasentro sa Masbate, Abra ug Misamis Occidental.

Sibo sa intelligence report nga sa kinatibuk-an adunay 80 ka partisan armed group, nga tanan kanila naglihok sa mga ‘badlongong politiko’ nga padayong naglihok sa nasud ug ang labing daghan anaa sa tulo ka mga probinsiya.

Tinguha usab ni Echavez nga makigkita ni Misamis Occidental governor Herminia ‘Hermie’ Ramiro may kalambigitan sa maong isyu.

Gani apil sa iyang plano nga makig-audience sa PNP chief ug pasabton kini nga walay kamatuoran ang nasangpit nga balita.

Saysay ni Echavez nga kon mahimo, iyang imbitahon si Verzosa ug isuroy sa Ozamiz unsa ka malinawon ang dakbayan.

Kahinumduman, nga si kanhi gobernador ug karon kongresista sa ikaduhang distrito sa Misamis Occidental Loreto Leo Ocampos ang bokal kayo nga mipadayag nga ang Ozamiz City adunay grupo sa mga armado.(NEPTALIE BATOLENIO)

Meningococcemia mitakboy sa bata sa Tinago

GITUOHAN nga meningcococcemia ang mitakboy nga sakit sa usa ka dos anyos nga bata sa Barangay Tinago, Ozamiz City sibo usab sa obserbasyon sa tambalanan.

Nasayran nga gidala sa Medina Hospital ang usa ka Gian Herungay, 2 anyos nga nagpuyo sa Purok Malig-on, Tinago, Ozamiz City.

Sa pagpakighinabi ni Barangay Tinago councilor Raul Licayan, gipadayag niini nga unang gituohan nga dengue fever ang mitakboy sa maong bata apan paglabay sa tulo ka adlaw migrabe kini ug namatay.

Sibo usab sa pahayag sa obersbasyon sa doktor sa tambalanan gidudahan nga meningcococcemia ang mitakboy nga sakit sa maong bata.

Ang pamilya sa maong bata, nasayran nga gikan sa Manila duha ka bulan ang nakalabay.
Hinungdan nga dali dayon nga gimando nga ipalubong gilayon ang maong bata, sa posibleng pagtakod sa maong sakit.

Dali usab dayon nga gipa-inom og tambal ang mga tawo nga adunay direct contact sa maong bata aron malikayan nga nga sila matakdan sa maong sakit.

Pinaagi ni Dr. Daniel Medina, health officer sa Ozamiz City dali usab nga mihatag og tambal.

Nasayran nga unang na panic ang mga katawhan sa maong dapit apan mikalma kini sa dihang gipasabot ni Licayan.

Nanawagan si Licayan sa katawhan nga dili lang magpanic tungod kay padayon pa nga gisuhid ang maong hitabo.(NEPTALIE BATOLENIO)

Gitubag ni Lana ang iyang pagka-disqualify


MIIKTAD ang mayor sa lungsod sa Baliangao, Misamis Occidental sa migawas nga balita sa giingong pagka-disqualify niini sa pagkamayor sa nasangpit nga lungsod tungod sa isyu sa residency.

Gipadayag ni Mayor Svetlana ‘Lana’ Jalosjos nga dili makatarunganon ang pagpresenta sa maong balita tungod kay daw nagpasabot nga pinal na kini ug katapusan na sa tanan.
“It was unfair and made to be presented as something that is final,” padayag ni Jalosjos.

Gidugang ni Jaloslos nga adunha nay gihimo ang iyang mga abogado sa nasangpit nga kaso.

Bisan pa man nga wala direkta nga giangkon ni Jalosjos nga aduna siyay nadawat nga desisyon gikan sa Commission on Elections (COMELEC) apan iyang gipadayag nga anaa lamang kini sa ubos nga hukmanan nga disisyon.

Iyang gidugang nga human niini moadto pa kini sa COMELEC en banc ug pagkahuman ngadto sa korte suprema.

“It’s a long process it takes even finishing my terms and even more,” dugang ni Jalosjos.

Nasayran nga pinaagi sa lima ka pahina nga resolution sa COMELEC second division gi-disqualify si Jalosjos sa election court tungod sa kuwestiyon sa residency.

Ang maong ruling gipirmahan nila ni Comelec Commissioners Nicodemo Ferrer, Lucenito Tagle ug Elias Yusoph, gisaysay niini nga si Lana napakyas sa pag-establisa sa iyang residency, nga magtugot kaniya nga makadagan ug makalingkod isip mayor sa nasangpit nga lungsod.

Si Svetlana midaog isip mayor sa Baliangao batok ni Agne Yap, Sr., sa unom ka butos lamang ang labaw. Si Lana isip artist mao karon ang nagdala sa negosyo sa pamilya nga Fantasyland sa Dapitan, Zamboanga del Norte.

Gidugang sa COMELEC nga si Svetlana napakyas sa iyang ‘ lawasnon presensiya’ sa Baliangao ug sa iyang intention nga magpabilin sa maong dapit ug sa intention nga dili na mobalik sa iyang gigikanan, ang Dapitan City.

“As it is, respondent even admitted that she is the one attending to their family businesses in Dapitan City. Her claim that she purchased two parcels of land in Baliangao is not backed up by any title. More importantly, the local officials of Baliangao in their joint affidavit declared that they have not seen respondent in their locality,” saysay sa maong dokumento.

Gipunting usab sa election court nga ang katuyuan sa residency requirement mao ang pagsanta sa newcomer, nga dili suheto sa kondisyon ug mga panginahanglanon sa komunidad nga tinguha niining daganan.

Ang maong kaso giduso sa mga petitioners nga sila si Edwin Elim Tumpag ug Rodolfo Estrellada.

Gawas sa maong kaso, adunay desisyon si Lana nga nadawat sa laing election protest nga na-dismissed dili pa lamang dugay apan wala na niya kini gipaklaro sa pagsaysay sa mga sakop sa media.

Nanawagan na lamang si Jalosjos ngadto sa iyang mga kaatbang nga responsabli sa pagpasaka og kaso nga magtambayayong sila alang sa kaayohan ug kalamboan sa katawhan sa lungsod sa Baliangao.(NEPTALIE BATOLENIO)

LGU miduso og demand letter sa MOELCI- II

GIISIP ni Ozamiz City mayor Nova Princess Parojinog-Echavez nga dili patas alang sa local government unit ang gihimo nga pagpamutol sa Misamis Occidental Electric Cooperative II (MOELCI-II) sa mga street lights sa pipila ka dapit sa sentrong bahin sa dakbayan.

Gipadayag ni Echavez nga daw giyatakan ang katungod sa local government unit (LGU) sa Ozamiz nga makaangkon sa serbisyo sa sugang dagitabnon sa MOELCI-II.

Giangkon sa mayor nga ang Ozamiz adunay utang nga P11 M apan andam sila nga mobayad niini.

Gani niining bag-o mibayad sila og P300,000 aron lang mabalik ang kutay sa kuryente sa mga street lights ilabnina sa sentrong bahin sa Ozamiz diin nahimutanng ang daghang mga dagkong business establishments.

Giisip ni Echavez nga bangis alang sa LGU-Ozamiz ang gihimo sa MOELCI II.
Gumikan niini giutingkay sa legal departments sa LGU ang records sa MOELCI II. Nasayran nga adunay utang ang MOELCI II ngadto sa LGU nga P1,622,652.52 sa ilang real property tax.

Tungod usab nga ang MOELCI II dili rehistrado nga kooperatiba ilalom sa Cooperative Development Authority (CDA) sibo sa Republic Act 6938 aduna silay wala mabayri nga Franchise Tax nga P7,101,311.98.

Nasayran usab nga ang MOELCI-II nag-operate nga walay business permit ug mga regulatory clearances.

Dugang ni Echavez nga tinguha usab nila nga ipasuhid sa City Engineers Office may kalambigitan sa ilang occupancy permit tunhgod kay ang orihinal nga dapit nga gibutangan sa ilang opisina karon gigamit nga resiodential area, diin posible nga nakalapas kini sa Building Code.

Gisugilon ni Echavez nga ang MOELCI-II igo lamang usab mihatag sa LGU Ozamiz og Statement of Account nga walay actual consumption sa nagamit nga kuryente nga tataw nga paglapas sa Commission on Audit (COA) Rules and Regulation.

Dugang sa mayor nga tungod niini kinahanglan nga i-reconcile ang ilang billing ug dili kay ipaagi sa pagpamutol sa mga street lights nga nayatakan ang katungod sa katawhan.

“There was even an instance where MOELCI-II billed us with statements of accounts as their supporting documents in the amount of P1.5 M after which due study by our pre-audit personnel we found out that it is duly paid because og the check issued,” saysay ni Echavez.

Nasubo si Echavez tungod kay ang ilang gibayad sa kasamtangan nga consumption gidapat kini sa daan nga utang hinungdan nga ang bag-ong billing mag- arrears na usab kini.

Gani makadaghan nga gitawagan sa kampo ni Echavez si MOELCI-II general manager Jimelou Pelimer apan kanunay kini nga out of coverage area.

Gumikan niini nga mga katarungan, miduso ang LGU Ozamiz og Notice and demand Letter ngadto sa MOELCI-II. Diin kon dili kini matubag sulod sa kinse ka adlaw possible nga ipasira kini.

Sibo sa nalatid sa notice and demand letter, tinguha niini nga ma-reconcile ang billing ug ang balayrunon sa MOELCI-II ngadto sa LGU Ozamiz diin gipangayo niini nga adunay offsetting nga mahitabo.

Ang kinatibuk-an nga balayrunon sa MOELCI-II sa Ozamiz moabot sa P8, 723,964.5 nga kon i-offset sa P11 M nga utang sa siyudad adunay deperensiya nga P3.7 M.
Gitinguha usab sa PNN nga mahinabi apan atua kini sa kaulohan.(NEPTALIE BATOLENIO)

Forum alang sa RA 9994 ug RA 9442 gipahigayon

SA tuyo nga mosanong ang business sector sa Ozamiz City sa pagpatuman sa duha ka balaod national alang sa mga senior citizens ug sa mga disable persons, gipahigayon ang usa ka consultation forum niadtong Agosto 3 sa Asian Hotel.

Ang consultation gitambungan sa mga nagkadaiyang representante sa business sector, mga senior citizens ug ingon man mga persons with disabilities.

Gihisgutan sa forum nagtuki sa Republic Act 9994 o mas naila nga Expanded Senior Citizens Act of 2010 ug ang RA 9442 o Persons with Disabilities Privileges and Incentives Act.

Kahinumduman nga unang miiktad ang mga magpapatigayon sa siyudad nga mohatag og 20% discount sa mga sakop sa senior citizens ug sa mga katawhan nga adunay apan sa ilang lawas sa katarungan nga lugi sila sa maong sistema.

Apan human nga mabati ang pagpasabot sa nasangpit nga nasudnong balaod, kadaghanan sa mga magpapatigayon walay nahimo kon dili misaad nga magsunod sa nasangpit nga kamanduan.

Atol sa consultation forum nahimong resource person si Judge Meriam Anggot, executive judge sa MTCC Ozamiz City.

Gipasabot sa huwes ang tumong sa pagkamugna sa naasoyng balaod ug ang mga tugbang nga silot ngadto sa mapamatud-ang makalapas sa naasoyng mga balaod.

Si city mayor Nova Princess Parojinog-Echavez kusganon usab nga misuporta sa panawagan sa mga people with disabilities ug sa mga senior citizens sa pagbutang og tukmang mga rampa sa matag-balay pamatigayon sa Ozamiz.

Padayag pa sa batan-ong mayor, nga mahinungdanon nga matubag ang mga panginahanglan sa mga sakop sa people with disability ug sa mga senior citizens aron usab ilang mabati nga kabahin pa gihapon sila sa pagbugtaw sa kalamboan ug kaayohan ilalom sa iyang liderato.(NEPTALIE BATOLENIO)

Empleyado nga palautang, aksiyonan sa mayor

ISIP kabahin sa pag-overhaul sa Ozamiz City Hall, usa sa gitutukan ni Mayor Nova Princess Parojinog-Echavez ang mga empleyado nga naputos ug nalubong sa utang.

Nasuta sa mayor nga usa kini sa rason nga ang mga empleyado magtinapol ug magbinulakbol sa ilang mga trabaho tungod kay wala nay mabalin sa ilang suweldo kay taman lang usab kini ibayad sa ilang utang.

Dugang niini nga dili na makatarong sa pagtrabaho ang mga empleyado tungod kay maghunahuna kini og asa makakuwarta alang sa pagsuporta sa ilang pamilya.

Gi-discourage usab sa mayor ang mga empleyado sa pagbaligya sa ilang sweldo ug magpasagad sa pag-ngutang sa mganagpalibot nga mga lending institution.

Gipadayag sa usa ka wala magpaila nga empleyado nga napugos usab sila sa pagbaligya sa ilang suweldo tungod kay langan sila nga masuweldohan sa Ozamiz City Hall.

Gisaysay ni Echavez nga isip inahan sa Local Government Unit (LGU) dili niya gusto nga mag-antus ang iyang mga anak sa butang pinansyal ug tinguha niya nga matabangan ang matag usa aron mo-asenso.

Gidugang sa batan-ong mayora nga iyang kalipay nga makita ang iyang mga empleyado nga epektibo sa ilang gimbuhaton aron sa ingon makahatag og makatagbaw nga serbisyo ngadto sa katawhan.(ARN ANTONETTE CAROLLO ug NEPTALIE BATOLENIO)

Motorcab driver, giposil-patay

HIKABSAN sa iyang kinabuhi ang usa ka motor cab driver human kini posila sa wala mailhi nga mga suspetsado niadtong Agosto 3, alas 6:45 sa buntag.

Giila ni Police officer 3 Henry Ellorin, duty field investigator sa Ozamiz PNP ang biktima nga usa ka Joan Noval y Butalid 36 anyos ang pangidaron, minyo ug lumolopyo sa Barangay Banadero, Ozamiz City.

Sibo sa imbestigasyon, ang biktima gikan naghatud sa iyang anak sa eskuylahan sakay sa iyang motor single.

Paghidangat niini duol sa Maya Store sa Circumferential road, kalit lamang kining gipusil saw ala mailhi nga suspetsado.

Nakaangkon og samad pinusilan ang biktima sa iyang liog ug sa bukton nga maoy gituohan nga hinungdan sa hinanali nga kamatayon niini.

Nakuha sa dapit nahitabuan ang duha ka basiyo sa kalibre .45 nga pistol.

Gipadayag sa asawa niini nga si Ailen nga aduna silay namatikdan nga duha ka tawo nga nagsunod-sunod sa iyang bana sa wala pa mahitabo ang nasangpit nga krimen.

Sa pagkakaron padayon pa nga gilusad sa kapolisan ang imbestigasyon sa nasangpit ngha hitabo.

Nova ug ang Kuratong Baleleng

NAGPLANO si Ozamiz City mayor Nova Princess Parojinog-Echavez nga mo-hire og tawo nga maoy mo-package sa siyudad aron monindot ang imahen sa dakbyan sa tuyo nga makapadani og daghang mga magpapatiogayon nga magtukod og negosyo.

Ang pamahayag sa mayor may kalambigitan sa 'stigma' nga ang Ozamiz, siyudad nga anaa ang daghang organisadong kriminal mga grupo, gangster, tulisan ug mga druglords.
Saysay ni Echavez nga karon nga siya nahimong mayor sa Ozamiz dili kalikayan nga aduna gyuy mangutana kaniya maykalambigitan sa kahimtang sa Ozamiz ilabina nga apo siya ni Octavio 'Ongcoy' Parojinog, Sr., ang founder sa Kuratong Baleleng.

Dugang ni Echavez nga usahay mahimuot siya sa mga moduol ug makigsulti kaniya may kalambigitan sa Ozamiz tungod kay ang tan-aw sa ubang tawo sa dakbayan ilabina sa kaulohan ug sa ubang lugar ang Ozamiz dapit sa Kuratong Baleleng.

Dili usab malikayan nga anaa sa mga tawo nga idugtong sa Kuratong Baleleng ang bansagon nga Parojinog, ilabina nga siya anak ni kanhi Mayor Reynaldo 'Aldong' Parojinog, Sr.

Nakita ni Echavez nga usa ka bintaha nga siya mayor tungod kay makahimo na siya sa pagsaysay ngadto sa mga tawo nga magpakisusi may kalambigitan sa Kuratong Baleleng.
"I have tha chance and the oppurtunity to explain to them unsa gyud diay ang Kuratong Baleleng sa Ozamiz," pahayag ni Echavez.

Gidugang ni Echavez nga ang Kuratong Baleleng dako og gikatabang sa Ozamiz tungod kay usa kiini ka anti-insurgency group mnga gtiukod sa iyang apohan nga si Ongcoy Parojinog.

Sukwahi sa nanggawas nga giingong Kuratong Baleleng nga nanggawas nga nalambigit sa bank robbery ug uban pang kremin.

Saysay ni Echavez nga dili angay kahadlokan ang Ozamiz tungod kay walay Kuratong Baleleng karong panahuna tungod kay taudtaud na nga nabungkag na kini human sa pagkahanaw sa hulga sa insurhensiya sa Ozamiz.

Nasayran nga ang Ozamiz lamang sa tibuok lalawigan ang walay hulga sa insurhensiya sa pagkakaron.

Hinuon, giangkon ni Echavez nga adunay daghang tawo nga mogamit sa maong grupo.(NEPTALIE BATOLENIO)

Echavez sulbaron ang kremin sa Ozamiz

TUNGOD sa namatikdan nga nagkahitabong kremin sa Ozamiz City sama sa hold-up, carnap, kawat ug mga kaso sa pagpamusil nga kadaghanan wala mahatagi og kasulbaran, gipasalig sa mayor nga usa kini sa iyang prayuridad.

Gipadayag ni Ozamiz City Mayor Nova Primcess Parojinog-Echavez nga wala siya magkulang sa pagsuporta sa mga sakop sa kapolisan aron mahimong epektibo kini sa ilang mga tahas ilabina sa pagsulbad sa nagkadaiyang krimen.

Saysay ni Echavez nga dili niya pasagdan ang Ozamiz ilabina sa hilisgutanan sa dagan sa kahusay ug kalinaw.

Gidugang sa batan-ong mayor nga kanunay niya nga gipatawag si Police superintent Raul Diones, chief of police sa Ozamiz aron mapklaro ang dagan sa kahusay ug kalinaw.

Gipunting ni Echavez nga ang pagmintina sa dagan sa kahusay ug kalinaw sa Ozamiz tahas sa kapolisan hinungdan nga igo lamang gayud siya nga mosuporta sa lihok sa PNP.

Nalakbitan usab ni Echavez nga dili siya mamuwerhisyo ni kanhi Mayor Reynaldo Parojinog, Sr., ug Board member Ricardo Ardot Parojinog nga naila sa Ozamiz nga mangunay gayud sa pagpangdakop sa mga kriminal.

Gihinapos ni Echavez nga aduna na silay mga han-ay nga gimugna alang sa pasulbad sa nagkadaiyang krimen sa Ozamiz.(NEPTALIE BATOLENIO)

GITUOHANG LEADER SA PAGs, NASIKOP

BALIANGAO, MisOcc - Naaresto ang usa ka gituohang leader sa Private Armed Group kon PAGs pinaagi sa usa ka joint operation sa mga sakop sa Misamis Occidental Police Provincial Office, 10th Regional Public Safety Battalion ug 55th Infantry Battalion Philippine Army, kinsa managsamang sakop sa Task Force Lion nga gipanguluhan ni Police Senior Inspector Melfin Ian Burlat .

6:20 ang takna sa buntag kaniadtong adlaw’ng sabado Agosto 21, samtang nagpahigayon ang maong grupo og usa ka special police operation sa isla sa Barangay Naburos, Baliangao, Misamis Occidental, malampusong nasikop sa mga awtoridad ang usa ka nag-ngalan og Francisco Daque Jr. y Garcia alyas Dondon, 38 anyos, menyo, kinsa lumolopyo sa naasoy’ng lugar.

Si Daque gi-aresto pinaagi sa gahum sa patong-patong nga warrant of sa kasong:
Murder kon pagpatay , 2 ka kasong frustrated murder, Homicide, Arson ( kon kasong pagpanunog ) ug pagpangawat .

Atol sa maong operasyon nakompiska gikan mismo sa suspetsado ang usa ka unit nga Elisco M16 Rifle nga may 5 kabuok short magazine ug 28 ka mga buhing bala; usa ka unit nga springfield Caliber 30 M1 Garand Rifle nga may 8 kabuok buhing bala, usa ka unit nga Colt 45 Pistol kauban ang usa ka magazine nga may sulod 2 ka buhing bala ug usa ka unit nga iCOM IC –V handheld radio.

Sa pagkutlo ning balita ang maong suspetsado anaa pa sa custodia sa Misamis Occidental PNP alang sa dugang documentasyon sa dili pa kini pormal nga i-turn over ngadto sa korte diin gipagawas ang maong warrant of arrest.

Friday, August 27, 2010

Kuratong Baleleng buhi pa—Ocampos

NAGSUNGI ang pamahayag sa kongresista sa ikaduhang distrito sa lalawigan sa Misamis Occidental ug sa Mayor sa Ozamiz City may kalambigitan sa giingong presisnsiya sa Kuratong Baleleng sa dakbayan.

Bisan tuod nga sila si Ozamiz City Mayor Nova Princess Parojinog-Echavez ug Kongresista Loreto Leo Ocampos managsamang nag-angkon nga gusto sila nga makabaton og usa ka malinawon nga dapit apan wala sila magkauyon sa baruganan may kalambigitan sa presinsiya sa Kuratong Baleleng.

Saysay ni Echavez nga ang orihinal nga Kuratong Baleleng dako og gikatabang sa Ozamiz City tungod kay kini gimugna batok sa suliran sa insurhensiya. Human niadto nabungkag na kini.

Giangkon sa mayor nga ang Kuratong Baleleng dugay na nga nabungkag ug walay kamatuoran ang pagtuo sa uban nga adunay grupo sa Kuratong Baleleng nga mohimo sa pagpanulis ug mohimo sa unsa man nga krimen.
Hinuon, giangkon sa mayor nga adunay ‘stigma’ ang Ozamiz City nga nalambigit ang grupong Kuratong Baleleng.

Saysay ni Echavez nga adunay ubang tawo nga migamit sa maong grupo nga mihimo og mga dili maayong buhat.

Dugang niini nga karon nga siya nahimong mayor sa Ozamiz dili kalikayan nga aduna gyuy mangutana kaniya maykalambigitan sa kahimtang sa Ozamiz ilabina nga apo siya ni Octavio 'Ongcoy' Parojinog, Sr., ang founder sa Kuratong Baleleng.

Dugang ni Echavez nga usahay mahimuot siya sa mga moduol ug makigsulti kaniya may kalambigitan sa Ozamiz tungod kay ang tan-aw sa ubang tawo sa dakbayan ilabina sa kaulohan ug sa ubang lugar ang Ozamiz dapit sa Kuratong Baleleng.

Dili usab malikayan nga anaa sa mga tawo nga idugtong sa Kuratong Baleleng ang bansagon nga Parojinog, ilabina nga siya anak ni kanhi Mayor Reynaldo 'Aldong' Parojinog, Sr.

Nakita ni Echavez nga usa ka bintaha nga siya mayor tungod kay makahimo na siya sa pagsaysay ngadto sa mga tawo nga magpakisusi may kalambigitan sa Kuratong Baleleng.
Dugang niini nga mosamot nga dili maayo ang dungog sa Ozamiz ilabina kon adunay mga tawo nga magsige og pangdaot sa siyudad.

Sa iyang kabahin, gipdayag ni Ocampos nga common knowledge sa katawhan sa Misamis Occidental ilabina sa Ozamiz City nga aduna pa gihapon ang Kuratong Baleleng diin usa kini sa gitumbok nga partisan armed groups (PAG’s) ni PNP chief Jesus Verzosa.
“Kuratong Baleleng still alive,” saysay ni Ocampos.

Iyang gidugang nga kinahanglan nga dawaton ang kamatuoran aron nga kahatagan kini og kasulbaran nga dunay suliran ang Ozamiz may kalambigitan sa mga nahitabong krimen.
Hinungdan nga nanawagan siya sa mga kadagkuan sa Ozamiz City nga dawaton ang kamatuoran nga adunay suliran ang siyudad ug mag-hiusa sila alang sa pagsulbad niini.
Una na usab nga gipadayag sa kongresista nga ang Taskforce nga modangat sa lalawigan sa Misamis Occidental nakasentro kini sa pagwagtang sa mga armadong grupo nga mihimo sa nagkadaiyang krimen.

Bisan tuod nga ang duha ka mga opisyal magkasungi sa pipila ka mga baruganan apan pulos sila gusto og kalinaw alang sa maayong pagserbisyo ngadto sa katawhan.(NEPTALIE BATOLENIO)

P10 M libel case batok Archbishop Dosado ug mga kauban gibasura

HINGPIT na nga gibasura sa prosecutors office ang kasong libelo nga gipasaka batok ni Archbishop Jesus A. Dosado sa Diocese sa Ozamiz ug mga kauban.

Sa gipagawas nga resolution ni Noel Boter, 2nd Assistant City Prosecutor nga penetsahan og Hulyo 23, gi-dismiss niini ang kasong libelo nga gipasaka ni Agnes Grace Chiong, usa ka negosyante sa Ozamiz batok nila ni Archbishop Dosado,Chairman of the Board sa Malindang Herald newspaper; Monsingor Maximino Naron, Jr., vicar genaral ug sakop sa Board sa Malindang Herald; Reverend Fr. Sandy Cometa,editor in chief ug Neptalie Batolenio, news editor.

Sa maong resulotion, gibasura ni Boter ang P10 M libel suit tungod sa pag-atras ni Chiong sa katarungan nga sa giingong hangyo sa iyang pipila ka mga higala ug sakop sa iyang banay sa pag-atras niini.

Kahinumduman nga mipasaka og kaso si Chiong human nga gimantala sa Malindang Herald ang reklamo sa usa ka Danila Damason, katabang ni Chiong nga gibun-og siya sa nasangpit nga negosyante.

Diin gipanghimakak usab kini ni Chiong.(ARN ANTONETTE CAROLLO)

Thursday, August 19, 2010

Ocampos motabang sa pagsulbad sa krimen sa Ozamiz, Echavez bukas sa tabang

GUMIKAN sa sunod-sunod nga krimen nga nahitabo sa Ozamiz City sama sa carnap, hold-up, tulis ug mga kaso sa pagposil, gipasalig ni Misamis Occidental 2nd District representative Loreto Leo Ocampos nga mohimo siya og lakang sa pagsulbad niini.

Gipadayag ni Ocampos nga unang-una ang kahimtang sa dagan sa kalinaw sa Ozamiz usa sa mga principal job sa mayor ug unsa ang mahitabo sa dakbayan mo-reflect kana sa matang sa leadership sa dakbayan.

Gidugang ni Ocampos nga kinahanglan usab nga manggilabot ang katawhan ug mga lumolopyo sa siyudad pinaagi sa pag-awhag sa mga kadagkuan ug pagsaway niadtong namunuan nga wala molihok alang sa pagsulbad sa mga krimen.

“Kinahanglan nga ang katawhan motingog na, mo-criticize, mobadlong sa mga lideres sa Ozamiz City aron molihok sila,”saysay ni Ocampos.

Iyang gipasabot nga isip kongresista aduna na siyay han-ay sa mga lakang nga himuon sa pagtabang sa siyudad nga masulbad ang nagkadaiyang krimen.

Gipasalig sa kongresista nga iyang tabangan ang Ozamiz City ilabina nga kini ang gateway sa lalawigan, gawas pa dinhio usab nahimutang ang seaport ug ang airport.

Saysay niini nga iyang dal-on usab sa atensiyon sa national government ang kahimtang sa Ozamiz gumikan kay iyang namatikdan nga daw sa walay gihimo si Police superintendent Raul Diones, Ozamiz Chief of Police ug ang Philippine National Police (PNP) provincial director Superintendent Robert Quenery.

Giprangka ni Ocampos nga mosulti na lamang sila si Diones ug Quenery nga dili nila makaya ang pagpatunhay sa peace and order sa Ozamiz aron mohimo siya og lakang nga pailisan sa ilang katungdanan.

Hinuon, giangkon ni Ocampos nga nakasabot usab siya sa kahimtang sa kapolisan sa Ozamiz nga maglisod nga makalihok sa siyudad tungod kay giingong adunay mga grupo nga naglihok ug ingon man adunay syndicated crimes nga nagakahitabo.

Gumikan usab niini nanawagan si Ocampos ngadto ni Ozamiz City Mayor Nova Princess Partojinog-Echavez nga dili pasagdan ang dakbayan.

Sumala sa kongresista nga andam siya nga mohatag og tabang sa Ozamiz ilabina sa peace and order.

Sa iyang kabahin, gipadayag ni Echavez nga welcome alang kaniya ang unsa man nga tabang ni Ocampos basta nagtumong kini alang sa kaayohan sa dakbayan.

Saysay pa sa mayor nga panahon na karon sa pagtinabangay tungod kay nahuman na ang elections.(NEPTALIE BATOLENIO)

Gikan sa pagmugna og scholarship sa mga bugo, empleyado sa kapitolyo ipailalom ni Agot sa English class

GUMIKAN kay ania na sa gitawag nga globalization, nagplano ang usa ka boad member sa lalawigan sa Misamis Occidental nga ipailalom sa pagtudlo og English ang mga empleyado sa kapitolyo.

Gipadayag ni Misamis Occidental Board member Morpheus Agot nga nagplano siya nga moduso og resolusyon nga ipailalom sa English class ang tanan nga mga empleyado sa kapitolyo sa tuyo nga mo-improve usab ang pagsulti og English sa mga empleyad ug sa tuyo usab nga ma-update ang mga trabahante sa pagsulti sa nanagpit nga pinulongan.

Gihimo usab nga ehemplo ni Agot nga sa Australian television ug Chinese television nga ang ilang katawhan gtiudloan sa pagsulti ug pag-improve sa ilang English.

Pasabot sa board member nga halos tanan nga mga nasud sa pagkakaron nagkat-on sa pagsulti sa English tungod sa globalization. Gani saysay niini adunay daghang call center apan pipila lamang ang madawat tungod sa suliran sa pagsulti og English.

Kahinuduman nga human nga naproklama si Agot isip board member human sa Mayo 10 nga elections gisaysay usab niini ang pagmugna og scholarship alang sa mga bugo o slow learner.(NEPTALIE BATOLENIO)

Karanaper sa Ozamiz nag-level up na?

DAW sa nag-level up na ang mga carnaper sa Ozamiz sukwahi sa naandan nga kawaton karon usa na ka Izuzu Highlander Van.

Sigun sa asoy sa biktima nga si Agustin Fernandez, 55 anyos ug lumolopyo sa Purok 2, Carangan, Ozamiz City nga ang maong sakyanan iyang giparada sa atubangan nga bahin sa New Public Mall niadtong Hulyo 24 sa may ala una ang takna sa hapon.

Ang maong sakyanan nagdala sa plate number nga KCD 759.

Dungan sa tag-iya nga dako na lamang ang iyang katingala nga sa iyang pagbalik wala na ang nasangpit nga sakyanan.

Samtang sa pikas bahin, usa ka Isagani Villa flores, 40 anyos ang pangidaron ang mitaho sa kuwerpo sa kapolisan gumikan sa pagkahanaw sa iyang motor single Honda XRM.

Saysay niini nga iyang giparada ang maong sakyanan sa gawas nga bahin sa Naomis Bakery, Rizal Avenue sa may mga alas singko sa hapon apan nahanaw kini ug gituohan nga gi-karnap saw ala maila nga mga suspetsado.

Laing gi-karnap ang usa ka Yamaha DT 125 nga nagdala sa plate number KH 9489 samtang gi-parking kini sa Born Again Christian Church , Triunfu, Ozamiz City.

Sumala pa sa tag-iya nga si Johnny Calimpong nga giparada kini mga alas onse sa buntag.

Ang maong duha ka kaso ang gihimoan na sa makuti nga imbestigasyon sa kapolisan aron mapatubag sa nasangpit nga salaod ang mga rsuspetsado.

Philip Tan napili nga opisyal sa LCP

NAPILI nga Press Relation Officer (PRO) for Mindanao si Tangub City Mayor Philip Tan sa League of Cities in the Philippines (LCP) sa bag-ohay nga gihimo nga election sa mga opisyales niini.

Gipadayag ni Tan nga niadtong Hulyo 17 sa kaulohan adunay nahitabong consensus agreement sa ilang kahugpungan diin adunay daghan nga boot magpapili nga president sa LCP apan ilang gitan-aw kun si kinsa ang makatabang alang sa kaayohan sa ilang grupo, ikasinabot ug suod ngadto ni Presidente Nonoy Aquino.

Gipasabot ni Tan nga ang iyang tahas mao ang pagpahibalo sa mga programa ug mga proyekto sa ilang kahugpungan.

Gidugang nga usa sa ilang gihingusgan mao ang tinguha sa tanang mayor nga mabalik ang pag-supervise ug control sa Philippine National Police (PNP).

Gidugang ni Tan nga kini sibo sa pahayag sa chairman niini nga si Manila Mayor Alfredo Lim nga gisopurtahan ni DILG secretary Jessie Robredo.

Lakip sa ilang ipaasdang ang may kalambigitan sa kinaiyahan pinaagi sa chairman niini nga si Puerto Prinsesa City Mayo Hagedorn.

Saysay ni Tan nga ang ilang kahugpungan boot mopadangat usab og usa ka resolusyon nga naghangyo sa pag-oktoba sa piniliay sa barangay Oktobre.

Katarungan niini aron mpadayon ug dili na malangay ang pagpatuman sa mga programa ug proyekto sa kabararangayan aron maalim usab ang mga kasilo tungod sa nakalabay nga piniliay sa Mayo 10.

Napling presidente sa maong kahugpungan si San Fernando Pampangga Mayor Oscar Rodriguez. Diin ang siyudad sa Pampangga naila usab nga Christmas Lantern Capital of the Philippines ug gani duna na silay initial nga plano sa pagtinabangay sa nailing Christmas Symbols Capital of the Philippines ang dakbayan sa Tangub.

Lakip sa nanumpa sa LCP niadtong Hulyo 19 sila si Caloocan Mayor Enrico Echebere nga maoy National Chairman, Bacolod City Mayor Bing Diaz nga maoy Executive Vice President ,Pagadian City Mayor Sammy Co nga maoy Vice President for Mindanao, Alaminos City Mayor Hernani Braganza na maoy secretary general ,Dagupan City Mayor Benjie Lim isip Treasurer ,Press Realation Officer Edgardo Pamintoan Press Realation Officer for Mindanao Tangub City Mayor Philip Tan, ug Region 10 Representative Iligan City Mayor Laurence Cruz. (NEPTALIE BATOLENIO)

Tungod ni Basyang, Escudero wala makabisita sa Ozamiz


Ozamiz City - Tungod sa bagyo nga Basyang wala mahinayon nga makabisita si Senador Francis ‘Chiz’ Escudero sa cyudad atol sa coronation night sa search for Miss Tourism 2010 sa dakbayan.

Gikatakda nga si Escudero ang mokorona sa napili nga Miss Ozamiz kagabii, Hulyo 14 apan wala kini makaabot sa dakbayan.

Gipadayag ni Elena Pelare, executive assistant II ug PIO designate nga wala makaabot sa Ozamiz si Escudero tungod kay nabiyaan kini sa iyang flight gikan sa kaulohan padulong sa dakbayan.

Asoy ni Pelare nga nakigdugtong siya sa buhatan ni Escudero ug nasayran nga gikan sa Nueva Ecija ang senador sa usa ka mahinungdanon nga lakaw niini apan tungod sa bagyo nalangan ang biyahe niini padulong sa kaulohan. Paghidangat niini sa kaoluhan nabiyaan na kini sa biyahe sa eroplano.

Nasayran nga gawas sa pagkorana sa napili nga rayna sa Ozamiz atol sa ika-62 nga Charter Anniversary sa dakbayan gikatakda nga makigtagbo ang senador ni Ozamiz City mayor Nova Princess Parojinog-Echavez ug Misamis Occidental governor Herminia ‘Hermie’ Ramiro.

Diin posible nga hisgutan ang posible nga matabang niini sa Ozamiz City ug sa kinatibuk-an sa lalawigan sa Misamis Occidental alang sa kalamboan niini.

Kahinumduman nga si Escudero misuporta ni Presidente Noynoy Aquino ug Vice president Jejomay Binay sa nakalabay nga piniliay.

Samtang si Echavez ug Ramiro misuporta ni kanhi defense secretary Gilberto ‘Gibo’ Teodoro.(NEPTALIE BATOLENIO)

Baliangao himuon nga tourist destination ni Jalosjos

BALIANGAO, MisOcc -Tutukan pag-ayo sa mayor sa maong lungsod ang pagpalambo sa turismo sa nasangpit nga lungsod aron labing maila kini sa tibuok Pilipinas ug posible sa tibuok kalibutan.

Gipadayag ni Mayor Svetlana ‘Lana’ Jalosjos, anak sa kontrobersiyal nga Congressman Romeo Jalosjos sa Zamboanga del Norte nga ang natad sa turismo ang napili nga usa sa mga prayuridad tungod kay kini ang labing dali usab nga makapadani og mga bisita ug mga investors aron molambo ang usa ka dapit.

Tunod kay ang lungsod sa Baliangao naila nga adunay mga puting balas ang ilang mga kadagatan, tinguha ni Lana Jalosjos ang pagpalambo og dugang niini aron nga labing makapadani sa daghang mga turista.

“We will develop our white sand beaches and also we will develop world class facilities,” dugang pasabot ni Jalosjos.

Gawas niini palagsikon usab ang mga Bantay Dagat program sa tinguha nga mabalik ang mga buhilamang dagat.

“Kailangan natin na mabalik ang marine life to make our area more attractive to the tourist,” saysay niini.

Gisugilon ni Jalosjos nga ilang ihan-ay usab ang mga coral reefs aron mahimo usab kini nga tourist attraction u gang pagpalambo sa mangrove tree planting.

Una usab nga buhaton ni Jalosjosang g pagpangita og local ug international funding alang sa pagpalambo sa ilang mga kalsada ug ingon man sa supply sa tubig nga mainom.

Saysay niini nga ila na nga gi-asses aron mamugna na ang pagbutang og central water system sa maong dapit, hinuon iyang giangkon nga adunay supply sa tubig apan kinahanglan lamang nga maplastar kini.(NEPTALIE BATOLENIO)

Mga empleyadong lubog sa utang gi-discourage sa administrasyon ni Echavez

Gihatagan karon ug pagtagad ni Ozamiz City Mayor Nova Princess Parojinog-Echavez ang mga empleyado nga nalunod na sa utang.

Kini human masuta ni Echavez nga usa kini ka dakong rason nga ang empleyado magtinapol ug dili na magkadimao sa iyang trabaho sa opisina tungod kay ang hunahuna nagproblema na kon asa mangita’g kwarta para ikabayad sa iyang utang.

Hinungdan nga gi-discourage sa mayor ang mga empleyado sa pagbaligya sa ilang sweldo ug magpasagad sa pag-ngutang bisan paman nga gilibotan pa kini sa mga lending institution.

Ato sa Press conference kagahapong adlawa, gipahayag ni Echavez nga isip inahan sa Local Government Unit (LGU) dili niya gusto nga mag-antus ang iyang mga anak sa butang pinansyal ug tinguha niya nga matabangan ang matag usa aron mo-asenso.

Gidugang sa batan-ong mayora nga iyang kalipay nga makita ang iyang mga empleyado nga epektibo sa ilang gimbuhaton aron sa ingon makahatag og makatagbaw nga serbisyo ngadto sa katawhan.

Sunday, June 20, 2010

Bus ug motor single nagsungag, driver sa motor gupok ang tiil


NASULOD sa tambalanan ang usa ka lumilihok sa Rolando Lending Corporation sa Oroquieta City human kini madasmagi sa usa ka Rural Transit Bus nga nagbiyahe gikan sa Cagayan de Oror City padulong sa Dipolog City.

Giila sa kapolisan sa Plaridel, Misamis Occidental ang biktima nga si Jerolyn Salvaleon, 53 anyos ang pangidaron ug lumolopyo sa Oroquieta City.

Gipadayag ni Police inspector Roger Orias Albacete, chief of police sa maong lungsod nga sa pagdangat sa Rural Transit Bus nga nagdala sa body number 8570 sa Looc proper, Plaridel, Misamis Occidental sa unahan sa Lubog Bridge gikasugat niini ang biktima nga nagmaneho sa motor single.

Ang nagmaneho sa Bus mao si Ruperto Mahuloy, 47 anyos ang pangidaron ug nagpuyo sa Tagoloan, Cagayan de Oro City.

Nasayran nga mokapin sa 20 ka mga pasahero ang sakay sa maong bus.

Tinguha nga likayan sa Bus ang motor single nga gikasugat sa likoong bahin sa maong dapit apan naigo kini hinungdan nga nalagpot ang motor nga maayong pagkaguba.

Samtang nagubok usab ang bitiis sa driver sa motor single.

Ang bus nahagbong sa daplin sa dalan sa walang bahin ug gisungag usab niini ang pipila ka punoan sa lubi. Hinuon walay gikatahong nasamad sa mga pasahero.

Dali nga gikarga ang biktima sa laing bus nga padulong sa Oroquieta City apan gigukod kini sa usa ka ambulansiya sa Plaridel ug paghidangat niini sa Mansabay, Lopez Jaena, Misamis Occidental naapsan kini hinungdan nga gikarga kini sa ambulansiya.

Sa pagkutlo niining taho ang biktima gibalhin usab sa Mayor Hilarion A. Ramiro Jr., Memorial Regional Training and Teaching Hospital (MHARS-RTTH).

Mibalibad ang driver sa dihang tinguha nga hinabion sa Misamis Occidental News Team.

Enrollment sa ACE posible nga moubos sa 10 porsiento?

NANAWAGAN ang Archdiocesan Commission on Education (ACE) ngadto sa mga ginikanan ilabina niadtong mga matuohong Katoliko nga mopa-enroll sa ilang mga anak sa mga tunghaan nga nailalom sa ACE Catholic Schools.

Gipadayag ni Carmelito Heray, corporate secretary sa ACE ug principal sa Holy Child High School sa lungsod sa Clarin, Misamis Occidental nga padayon sila nga gaawhag sa mga matuohong Katoliko nga mopaeskuyla sa ilang mga anak sa mga Katolikong tunghaan sa lalawigan.

Saysay niini nga labing maayo nga makatungha sa ACE schools tungod kay aduna silay pinasahi nga mga programa nga gitutokan.

“Sa mga ACE schools man gud dili lang academics ang atong gitutukan niini ang value formation sa usa ka bata,” saysay ni Heray.

Sa tibuok lalawigan sa Misamis Occidental adunay 13 ka mga pribadong eskuylahan nga sakop sa ACE ug laing duha ka mga affiliate schools.

Giangkon usab ni Heray nga gumikan sa nasinating krisis namatikdan nga miubos ang enrollment sa School year 2010-2011 itandi niadtong imaging tingtungha.

Nagsugod ang enrollment sa mga ACE schools niadtong May 17 ug hanngtud pa sa ikaduhang semana sa Hunyo.

Hinuon naglaom si Heray nga mosaka pa ang enrollment gumikan kay padayon pa usab sila nga nagdawat og mga tinun-an.

Saysay niini nga kon ugaling motaas ang ilang enrollment posible nga 10 prosiento ra usab ang isaka apan kon moubos moabot gihapon sa 10 porsiento subay sa ilang kasinatian.

Giangkon usab niini nga mipataas sila karon sa ilang tuition fee sa 9 porsiento. Ang ilang tuition fee moabot sa P5,300 ang usa ka tuig.

Ang maong tuition itandi sa mga public schools mahal ra kini apan ang mga eskuylahan ilalom sa ACE mao usab ang labing barato sa tanan nga mga private schools.

Dingal nanawagan sa pagpananom og kahoy

PADAYON nga nanawagan ang hut-ong sa Society Advocates for Ecology and Sustainability sa pagpananom og kahoy ilabina nga nasitani ang taas nga higayon sa ting-init.

Ang Society Advocates for Ecology and Sustainability usa ka non-governmental organization nga nakatutuok sa pagpalambo ug pagpanalipod sa kinaiyahan.

Gipadayag ni forester Rolando Dingal lumilihok sa maong kahugpungan nga labing gikinahanglan ang pagpananom og kahoy ilabina nga taas taas na nga panahon nga nasinati ang kaainit sa lalawigan sa Misamis Occidental.

Saysay ni Dingal nga mating-init man o dili labing maayo nga mananom og kahoy ilabina nga dako kini og ikatabang n aron mapreserba ang kinaiyahan.

Kahinumduman nga sa wala pa ang piniliay unang nanawagan si Dingal sa mga botante nga botaran ang mga kandidato nga adunay palataporma nga nagtumong sa pagpanalipod sa kinaiyahan.

Migawas ang maong panawagan ni Dingal gumikan sa namatikdan nga aduna nay mga suba sa lalawigan sa Misamis Occidental nga nahubsan na tungod sa padayon nga pagpamutol og kahoy. Partikular nga gitumbok ni Dingal ang suba nga nahimutang sa bukid sa Tangub City nga naughan human nga masinati ang pagpamutol sa mga kahoy.

Nasayran usab nga ang Labo river sa Ozamiz kusog ang bul-og sa tubig apan gumikan sa pagpamutol sa kahoy sa ibabaw nga bahin niini mikibra ang tubig sa suba.

Tungod niini bisan pa man nga retirado na si Dingal gikan sa iyang pagtrabaho sa Department of Environment and Natural Resources (DENR) apan iyang gipadayon ang iyang kawsa.

Malaumon usab si Dingal ngadto sa mga midaog nga mga kandidato nga himuong kabahin sa ilang panerbisyo ang paghatag og pagtagad sa kinaiyahan. (NEPTALIE BATOLENIO)

Nova: Kon dili si Leo motabang adto ko ni Jeorge

POSIBLE nga sa kongresista sa unang distrito sa lalawigan sa Misamis Occidental si Ozamiz City mayor-elect Nova Princess Parojinog-Echavez moduol kon ugaling nga magdumili si 2nd District congressman-elect Loreto Leo Ocampos nga motabang kaniya sa mga proyekto alang sa Ozamiz.

Gipadayag ni Echavez nga kon ugaling dili malimtan ni Ocampos ang bangi sa politika dako ang posibilidad nga dili mohatag og ayuda kaniya ang napili nga kongresista sa ikaduhang distrito sa lalawigan.

Kahinumduman nga unang gipadayag ni Ocampos nga ang mga proyekto nga iyang ibubo sa Ozamiz dili kini moagi sa mga opisyal apan iya kining idiretso ngadto sa katawhan.
“Ang proyekto nato sa Ozamiz diretso sa tawo mao nga dili mabalaka ang katawhan tungod kay aduna kita daghang mga proyekto dinha,” saysay ni Ocampos.

Gumikan niini gisabot nga dili moagi si Ocampos sa napili nga opisyal sa Ozamiz gani mipadayag pa kini nga si Echavez mahimong mayor sa Ozamiz sulod sa mubo nga higayon.

Hinuon, gipasalig sa outgoing governor nga dili mahigawad ang mga Ozamiznon sa unsa man nga mga proyekto nga gikan kaniya.

Sa iyang kabahin, gisaysay ni Echavez nga kon dili gayud mahimo nga motabang si Ocampos adto na lang siya ni 1st District congressman-elect Jorge Almonte, nga parehas niya og partido ang Lakas-Kampi-CMD.

Apan wala gihapon magpakawala sa paglaum si Echavez nga unsa man ang mga bangi sa politika nga mahilot ra nila kini ni Ocampos ilabina nga nakasentro niini ang ilang panerbisyo ngadto sa katawhan.

Hinuon, managsamang nanawagan ang duha ka mga opisyal og reconciliation apan hangtud karon wala pa magkasulti ang duruha sa personal.(NEPTALIE BATOLENIO)

Group director sa polis dili pasudlon sa Ozamiz

BISAN pa man nga wala pa hingpit nga makalingkod ang bag-ong mayor sa Ozamiz City apan mipadayag na kini nga aduna siyay opisyal sa polis nga dili niya gusto nga madistino pagbalik sa Ozamiz City.

Gipadayag ni incoming mayor Nova Princess Parojinog-Echavez nga dili niya gusto nga ma-assign sa Ozamiz City ang kanhi group director sa 1005th Provincial Mobile Group (PMG) nga si Superintendent Edgar Daniel sa katarungan nga dili balance si Daniel nga motagad sa mga Parojinog.

Si Daniel giilisan kini sa pagka-group director sa 1005th atol sa election period ug gidungog nga posible nga ibalik human sa piniliay.
Gipadayag ni Echavez nga usa ka politiko nga iyang kaalyado ang giingong nangayo og pakitabang ngadto ni Daniel apan miprangka ang maong opisyal sa polis nga dili sila ‘kauban’. Gisabot kini nga adunay gidapigan ang polis.

“I don’t like him,” tuaw ni Echavez.

Dili gusto ni Echavez nga mabalik si Daniel sa Ozamiz tungod kay dili kini patas ug aduna kini gidapigan. Hinuon wala ibutyag sa incoming mayor kinsa ang gidapigan sa maong opisyal.

Saysay ni Echavez nga dili siya gusto nga butangan og polis ang Ozamiz nga adunay gidapigan kon dili kadtong polis nga alang sa tanan.

“Kanang polis gyud nga alang sa tanan, dili pud nang polis ni Parojinog,” dugang ni Echavez.

Saysay ni Echavez nga kon ugaling mabutang si Daniel pagbalik sa Ozamiz posible nga mohimo siya og lakang nga ideklara si Daniel nga persona non grata.
Gipaningkamutan sa PNN nga makuhaan sa iyang pahayag si Daniel apan dili kini makontak sa iyang telepono.

Driver natusaktusak sa bala

NATUSAKTUSAK sa mga bala sa wala pa masuta nga kalibre sa armas ang biktima sa pagpamusil kaniadtong miaging gabii Hunyo 2.

Ang biktima dali nga gidala sa Mayor Hilarion A. Ramiro Regional Training And Teaching Hospital(MHARRTTH)aron patambalan.

Sumala pa sa police spot report nila ni SPO3 Jerry Llamas,SPO1 Ronald Rosal ug PO1 Amerkhan naila ang biktima nga si Lemuel Mena 29,usa ka motorcab driver nagpuyo sa Purok 5,Brgy.Gango,Ozamiz City.

Sibo sa taho, ang biktima kauban sa iyang asawa niadtong higayuna gikan sa centro nga bahin sa dakbayan ug mipadulong pauli sa ilang panimalay sa barangay Gango,subay sa highway sa Brgy.Maningcol sa may 9:45 sa kagabhion, ang kalit lang nga gibabagan sa duha ka wala mailhi nga mga suspetsado sakay sa usa ka motor single sa pagtungod gayod nila sa Medina College, Maningcol highway.

Dungan usab niini ang pagpabuto sa suspetsado saw ala matino nga kalibre sa armas tumong sa biktima sa makadaghang higayon.

Ang biktima natusaktusak sa mga bala sa nagkadaiyang parte sa iyang lawas,usa sa tuong bahin sa iyang tiyan,duha sa tuo ug walang bahin sa iyang dughan ug usa didto mo tama sa iyang tuo nga bitiis.

Ang mga suspetsado sa pagpamanhig matud pa sa mga nakasaksi misutoy pagpadagan sakay sa ilang motor single padulong sa norte nga bahin sa dakbayan human sa hitabo.

Ang nasangpit nga biktima dali nga gidala sa mga bystander ngadto sa tambalanan aron patambalan apan hikabsan kini sa kinabuhi.

Wala pa gibutyag sa mga investigador kun unsa ang nakita nga motibo sa pagpamusil.Ang kaso sa pagkakaron gisangat sa police Intel operations division alang sa dugang imbestigasyon.(BERNALD TECSON)

Friday, May 7, 2010

On Segue’s murder, Oaminal call on supporters to stay calm

AS local politics heats up in Misamis Occidental, board member Henry Oaminal appealed to politicians and supporters to remain calm and composed amid the killing of barangay councilor Edwin Segue doubled as volunteer radio reporter.
Saying he is saddened of an ally’s murder, Oaminal call on supporters to let the rule of law prevail.

“Naguol ako sa kamatayon sa akong supporter hinungdan nga nanawagan ako nga magmakalma lang kita aron mabatunan ang malinawon ang piniliay,” Oaminal said.
Oaminal, a vice-gubernatorial candidate under Nacionalista Party (NP) is urging the PNP and other authorities to fast tract the investigation of Segue’s murder and bring the perpetrators of the crime to the bar of justice.

He even asked over the radio the perpetrator to surrender.

“Maayo unta hikapon ang ilang mga kasing-kasing aron mo-surrender aron kahatagan og hustisya ang kamatayon ni Edwin,” he said.

In his part, Vice-governor Francisco Paylaga, Jr., gubernatorial candidate of the NP said he requested the services of the National Bureau of Investigation (NBI) to conduct a separate investigation of the brutal killing.

The NP and its standard-bearer Sen. Manny Villar also condemned the killing.

NP said, "We condemn in the strongest possible terms the killing of Edwin Segue.

While the world still mourns the infamy brought about by the massacre of 31 journalists in Maguindanao last year, our country faces this scandalous and cowardly act anew.

“With this latest ignominy, the Philippines is fast becoming the burial ground for well-meaning journalists, surpassing the notoriety experienced in countries at war where lives of journalists are imperiled.

Villar said killing of Segue is not only an affront to the freedom of the press and free expression enshrined in ther Constitution, but it also mirrors the government’s neglect and failure to address extra-judicial killings in the country.

Segue is the 6th barangay official killed since the political season started.

Last April 13, 2010, 10:30 am, a political coordinator of Representative Herminia Ramiro, a gubernatorial aspirant under the Lakas-Kampi Party was killed by unidentified assailants in Plaridel town.

Nine hours after the said incident, another political supporter was shot to death by a Barangay chairman of Bacolod, Ozamiz City.

The victim identified by the authorities as Gregorio Sadamas, supporter of the Liberal Party.

On April 16, Barangay councilor Luciano Sayson of San Isidro, Calamba was gunned down by unidentified suspects.

Prior to the said incidents three barangay chairmen and one barangay councilor had been slain since October last year, but the provincial police command is calling on the people not to worry of the said killings because they are remote cases whose motives appeared to be personal grudge and had nothing to do with the May 10 elections.

First to be killed by unknown assailants was barangay kagawad Wilfredo Pamale of Bato, Plaridel last October 7, 2009, followed by barangay captain Narciso Jaro of Maligubaan, Concepcion who was gunned down in La Libertad, Zamboanga del Sur last December 5, 2009.

Next was Alberto Ate, barangay chairman of Bagong Silang, Lopez Jaena who was shot dead also by unidentified suspects when he went to Calamba town together with his son, who was wounded in attack, last May 3.

The killing of barangay officials had prompted the Sangguning Panglalawigan to pass a resolution urging the PNP, AFP and other law enforcement agencies of the government to expedite their investigation and to establish wether these incidents were politically motivated.

The provincial board had just passed the resolution when another Barangay chairman , Joel Lambaco of Macalibre Bajo, Lopez Jaena gunned down by unknown suspects last March 8.

Aldong: Duha ka Parojinog modaog sa Mayo 10

GIPANIGURO ni Ozamiz City mayor Reynaldo ‘Aldong’ Parojinog, Sr., kandidato pagka-konbgresista sa ikaduhang dsitrito sa Misamis Occidental, ilalom sa Lakas-Kampi-CMD nga adunay duha ka Parojinog nga makalusot sa Mayo 10 nga piniliay.

Migawas ang pahayag ni Parojinog human nga unang mipadayag si Misamis Occidental governor Loreto Leo Ocampos, kandidato usab pagka-kongresista sa Segundo distrito sa Misamis Occidental, ilalom sa Liberal Party (LP) nga kutob lamang karong Mayo 10 ang political career sa mga Parojinog.

“Lakas-CMD will only be up to May 10 elections,” pahayag ni Ocampos. Iya usab nga gipaniguro nga siya ang modaog sa pagkakongresista.

Gisaysay ni Parojinog nga sila si Board member Ricardo ‘Ardot’ Parojinog nga nagpasubli ug councilor Nova Princess Parojinog-Echavez, kandidato pagka-mayor sa Ozamiz ang seguradong mulosot sa piniliay diin nagpasabot nga sayop ang prediksiyon ni Ocampos nga kutob na lang sila karong Mayo 10.

Una na nga gipadayag ni Ocampos sa grupo sa mga media nga 75 porsiento ang makuha niya nga boto itandi ni mayor Aldong nga 25 porsiento.

Sa iyang kabahin, gikataw-an lamang ni Parojinog ang maong prediksiyon nga ang ilang panagharong sa congressional seat dako pa ‘kaayong kombtehonon’ apan segurado na nga mulosot sila si Ardot ug Nova.


Nasayran nga misamot ang pagtubag sa pikas ug pikas human nga nahitabo ang pagpusil ni dxSY-AM volunteer reporter Edwin Segue saw ala pa mailhi nga suspek samtang kini nagmaneho sa iyang sakyanan padulong sa lungsod sa Tudela.

Sila si Ocampos ug Parojinog managkauban sa Lakas-KAMPI-CMD apan nagbulag human nga si Aldong ang gipili sa administrasyon nga congressional bet human sa tulo ka adlaw nga dsikusiyon sa Manila kon kinsa kanila ang paboran.
Gumikan niadto milukso si Ocampos sa Liberal Party uban ni Presidential bet Senador Noynoy Aquino.

Nacionalista Party: Hustisya alang kang Edwin

TALIWALA sa kainit sa politika nga nasinati sa lalawigan sa Misamis Occidental ilabina sa Ozamiz City, nanawagan si 2nd District Board member Henry Oaminal, kandidato sa pagka-bise gobernador ilalom sa Nacionalista Party (NP) nga magmakalma ang tanan nga katawhan aron mabatunan ang matinud-anon, hapsay ug limpiyo nga piniliay.

Ang panawagan ni Oaminal migawas human nga gipatay sa wala mailhi nga mamumuno ang iyang supporter nga si Barangay Antonio councilor Edwin Segue niadtong Abril 13 samtang nagmaneho kini sa iyang de pasahero nga sakyanan padulong sa lungsod sa Tudela.

Si Segue usa usab ka volunteer reporter gawas sa iyang trabaho isip konsehal sa barangay.

Nanawagan usab si Oaminal sa mga mipatay ni Segue nga unta hikapon ang kasingkasing niini ug motahan sa ilang kaugalingon aron tubagon ang salaod nga nahimo.

Giangkon sa board member nga anaa siya karon sa pagpangutan tungod sa kamatayon sa iyang higala, giisip nga igsoon ug numero uno niya nga taga-suporta.

Iya usab nga gikondina ang pagpatay ilabina nga iyang nailhan si Segue nga usa ka maayong tawo.

Sa iyang kabahin, gipadayag ni Vice-governor Francisco Paylaga, Jr., kandidato sa pagka-gobernador ilalom sa NP nga iyang gihangyo ang tanang hut-ong sa awtoridad nga paningkamutan nga masikop ang mga tag-sala aron mapatubag sa salaod nga nahimo pinasubay sa balaod.

“Naningkamot ta nga makuha nato ang serbisyo sa NBI (National Bureau of Investigtion) aron nga mapadali ang hustista sa kamatayon sa atong higala,” padayag ni Paylaga.

Bisan pa man nga sa daw gitumbok ni governor Loreto Leo Ocampos, kandidato pagka-kongresista sa Liberal party ang kampo ni Ozamiz City Reynaldo Parojinog, Sr., kandidato sa pagkakongresista ilalom sa Lakas-Kampi-CMD nga responsabli sa pagpatay ni Segue dali kini nga gilimod sa mayor ug mipasupot nga ‘bakakon’ ang gobernador.

Gipasabot sa mayor nga dili batasan sa mga Parojinog ang mopapatay og tawo.

Nasayran nga mipagawas usab og pamahayag-pagkondina si NP presidential candidate Manny Villar sa kamatayon ni Segue, kinsa iya usab nga dumadapig.

Sa sulat pamahayag, gipadayag ni Villar nga usa ka dakong insulto sa konstitusiyon ilabina sa press freedom ang nahitabong linuog nga pagpatay ngadto ngadto kang Segue. Gani nanawagan usab siya sa mga awtoridad nga dalion ang pagpagawas sa hustisya sa nasangpit nga linuog nga buhat.(NEPTALIE BATOLENIO)

MisOc posible butangan og hydro power plant?

TALIWALA sa nasinating krisis sa kuryente adunay pipila ka mga politiko sa Misamis Occidental nga nagtinguha nga magtukod og hydro electric power plant sa lalawigan.

Gipadayag ni forester Rolando Dingal, lumilihok sa Society Advocates for Ecological Sustianability nga adunay mga politiko nga miduol kaniya ug nagpakisayod sa kapabilidad sa lalawigan sa pagtukod sa planta.

Bisan wala hinganli ni Dingal ang maong mga poltiko, iyang gisaysay nga adunay dako nga purohan nga mahimong makatukod og hydro electric power plant.

“Suwerte ang Misamis Occidental gumikan kay adunay kasubaan nga bastante ang tubig,” pasabot ni Dingal.

Suhestiyon ni Dingal nga kon dili na matabang sa hydro power plant sa Lanao del Norte labing maayo nga ipadayon ang plano nga magtukod sa Misamis Occidental.

Usa sa nakita nga potential nga mabutangan og hydro electric power plant mao ang Salug River sa Don Victoriano diin adunay waterfalls nga mahimong magamit aron mo-generate og kuryente.

Iyang gisaysay nga kini maka-supply og kuryente sa tibuok lalawigan sa Misamis Occidental.

Laing potensiyal nga dapit nga mahimo nga butangan og hydro power plant mao ang Labo River sa Ozamiz City.

Gisaysay ni Dingal anga ang Labo river kusog kaniadto ang bul-og sa tubig apan gumikan sa padayon nga pamutol og kahoy naguba ang water shed maoy hinungdan nga mihinay ang tubig.

Hinuon, posible nga mapuslan kini kon butangan og dam sa ibabaw nga bahin diin mahimo usab nga maka-generate og kuryente.

Ang Labo river dili maka-supply og kuryente sa tibuok lalawigan apan mahimo kining makahatag og kuryente sa tibuok Ozamiz City.

Tungod sa maong kahimtang, nanawagan si Dingal sa katawhan sa Misamis Occidental nga ampingan ang kinaiyahan ilabina niining panahon sa krisis sa enerhiya.(NEPTALIE BATOLENIO)

Wednesday, April 21, 2010

Radio reporter giposil, patay

OZAMIZ CITY—Usa ka sakop sa media ang giposil-patay sa wala mailhing suspetsado samtang nagsakay kini sa iyang gimanehong sakyanan , kagahapon sa may alas kuwatro sa hapon, May 14.

Giila ni Police superintendent Ramon Diones ang biktima nga si Edwin Segue, usa ka barangay kagawad sa San Antonio , Ozamiz City ug freelance volunteer reporter sa dxSY-AM, dxDD-AM ug dxOC-AM sa Ozamiz.

Nasayran nga ang biktima nagmaneho sa iyang sakyanan sa duol sa JYT building sa Don anselmo Bernad Avenue sa dihang kalit nga gitaparan og duha ka naka-bonnet nga tawo nga nagsakay og motor single dungan sa pagpusil sa makaupat ka higayon.

Ang biktima nakaangkon og tulo ka igo sa iyang ulo ug usa ka igo sa iyang abaga nga maoy gituohan nga hinungdan sa iyang hinanaling kamatayon.

Sa pagkaighinabi PNN ngadto sa iyang asawa nga si Bebie Segue, gipadayag niini nga dako ang iyang pagtuo nga politka ang hinungdan sa pagpatay sa iyang bana tungod kay una na kini nga mitug-an nga adunay mga tawo nga mikombinser kaniya nga pabalhinon sa usa ka bando sa politika.

Nasayran nga si Segue nagsuporta ilalom sa Nacionalista Party, particular ni Misamis Occidental 2nd District Board member Henry Oaminal, kandidato pagka-bise gobernador.

Saturday, April 10, 2010

Catholic Church warns Narco-Politics urges voters discern candidates’ track record

A Catholic leaders and laity called on Misamisnon voters not to be deceived by those candidates who offer money in exchange of their votes for upcoming May 10 elections especially to the allegedly Narco-Politics in the province, instead look on the integrity of candidates and seriously consider their platform of government.

As election campaigns heats up, Ozamiz prysbeterium president and Station Manager of dxDD-AM/FM, Fr. Edgar S. Canama reminded the general public to consider the criteria mentioned by the teaching of the Catholic Church over and over again as the Church vehemently warned against the Narco-Politics.

Meanwhile pastor of Inahan sa Kinabuhi Pangabuan Parish, Fr. Victor Sereno expressed fear that drug money will influence the result of the 2010 elections because there are allegedly drug lords would finance the election campaigns of some political candidates.

“Posible gyod nga drug lords would finance some politician candidates to cater their interest, to have symbiotic relationship, maglungga ang politiko. So that drug lord is in power.” Fr. Sereno said.

He added what will happen to the young? When the young people affected the future of the church will be affected too.

Meanwhile a pro-life doctor, Dr. Rene Bullecer of Human Life International expressed fear that drug money will influence the result of the 2010 elections because there are allegedly drug lords would finance the election campaigns of some political candidates.

He said in an interview over “Punto en Punto” an afternoon segment of Public Affairs Program of Dan-ag sa Dakbayan Catholic-run Radio Station dxDD- AM, that the voters should be conscious of the candidates’ track record, and people should look into the personal uprightness of the candidates, their competence and their position regarding the Reproductive Health Bills.

“Personally I’m no longer afraid of the so called drug money kay di na kaayo dako nga threat excepth diha sa mga localities sama sa city or municipal level, my concern is the socalled RH Money gikan sa mga multi-billion anti-life funding agencies nga mao ang nisuporta, namugos ug nagpaluyo sa daghang mga kadagkoan sa gobierno sama sa mga congressmen, senators ug even mayoralty para modis ug aron magmadaugon ang RH Agenda. Mao ni ang usa ka rason ug ngano nga dili gyud motalab ang atong mga hangyo rally ngadto sa mga pro RH politicians.” Bullecer clarified.
Earlier, the US State Department reported that the Philippines’ drug problem continues to pose a significant national threat.

In its 2010 International Narcotics Control Strategy Report, it said that with the upcoming May 10 elections, there is fear that drug money supporting candidates may affect election results.

Bro. Thata Rosal, CFD, a Catholic commentator of Birada 675, a morning segment of dxDD- AM Public Affairs Program, stressed the voters should identify those candidates who are receiving money from drug traffickers for their campaign in Misamis Occidental and they should look into the personal uprightness of the candidates, their competence and their aspirations, what they plan to achieve for the province and especially in Ozamiz City.

The production department of the dxDD-AM thru its public affairs program is urging the Criminal Investigation and Detection Group (CIDG) and to Philippine Drug Enforcement Agency (PDEA) who led in the fight against illegal drugs, to arrest the suspected drug traffickers in Ozamiz City and to prosecute drug cases in the province.

In his part, Cathedral Administrator Fr. Marvin O. OsmeƱa, said that “voters should not be deceived by the money of candidates but they should look into the candidates’ integrity and platform of government.

IBJT hero commended by LGU Ozamiz


THE instant celebrity-hero is now P10, 000 richer after the local government unit of Ozamiz City commended for his act of bravery and heroism in detecting and transferring of an improvised explosive device (IED) found inside the bus, stationed at Integrated Bus and Jeepney Terminal (IBJT) this city.

A simple awarding ceremony is held at Mayor’s office, March 31, attended by Mayor Reynaldo Parojinog, Sr.; Vice-mayor Carlos Patrico Bernad;Lucy Cabalit, general services officer; Superintendent Raul Diones, PNP Ozamiz chief of police; department heads and the members of the press.

Aside from a P10, 000 cash, Security guard Serafin E. Maisa of Western Mindanao Security Agency (WMSA) receives a certificate of recognition from the LGU through the Disaster Coordinating Council encrypting his courageous acts.

Along with Maisa are SPO1 Wilfredo Pelare and PO3 Renato Martir from the Ozamiz PNP and members of Explosive Ordnance Department (EOD) unit also commended of their bravery and heroic acts in detonating explosive found by Maisa.

Saying that what they have done is part of their job, both Pelare and Martir also received a certificate of recognition.

Parojinog thanked Maisa’s bravery in transferring the bomb without panic five meters away from the bus if exploded might harm hundreds of people.

“Ako sab nga gipasalamatan sila si Pelare ug Martir kay kon wala sab sila peligro ang maong bomba basin unya og makabuto”, Parojinog added.

In his part superintendent Diones said that he will recommend Pelare and Martir for promotion.

Maisa was doing his ‘routine check’ when he discovered the explosive, enclosed in a cellophane inside the bus, was composed of one half kilo of TNT, a blasting cap, and unknown substances.

Aircon bus number 902 was from Pagadian City arrives in Ozamiz IBJT at 10:00 in the morning.

No one has claimed responsibility for the bomb, which was found four days after the campaign of local position started. (NEPTALIE BATOLENIO)

Pagronda sa balay ni Romero, padakop ni Visitacion politika ang hinungdan?

USA ka political harassment ang nahitabo nga pag-ronda sa mga awtoridad sa panimalay ni Misamis Occidental 2nd District Board member Roland Romero niadtong Marso 27.
Sa gipahigayon nga press conference, gikondina sa grupo nila ni Liberal Party congressional candidate ug Governor Loreto Leo Ocampos ang pagronda sa Criminal Detection Group (CDIG) 10, Special Action Force (SAF) ug mga sakop sa kapolisan sa Ozamiz City.

Gipadayag ni Ocampos nga sa ilang paglantaw ang maong pagpangronda sa panimalay ni Romero naglambigit og inhustisya ug pagpang-harass tungod sa nakita nga adunay bikil ang pagpagawas sa ug pagpatuman sa search warrant.

Gidugang ni Ocampos nga siya mismo nakighinabi kang Judge Rio Achas sa MTCC Branch 2 ang nag issue sa nasangpit nga warrant nga dunay nagpa ila nga usa ka opisyal sa CIDG ang nag apply niini sa iyang buhatan apan sa dihang gisuhid nasuta nga wala mailhi ang maong tawo lakip na usab sa mga witness nga gipakita aron makombensir ang huwes.

Nasayran nga legal nga proseso ang himuon sa kampo ni Ocampos subay sa pag raid sa balay ni Romero.

Gipahayag sa Gobernador, nga kon unsa man ang ilang kwestion subay sa maong kahimoan sa mga sakop sa CIDG ug Special Action Force , kini ilang dalhon sa korte.
Iyang gidugang nga may mga depekto diha sa maong raid busa iyang gipaklaro nga gikinahanglang manubag ang si kinsa man nga responsabli niini.

Nasayran nga sa sinugdanan pa lamang, gi kwestion na sa kampo ni Ocampos pinaagi ni Atty.Conie Lim, nga depektoso ang search warrant nga gi silbi sa raiding team,. busa kini ang ilang gi- kwestion ngadto sa korte.

Gipaklaro sa Gobernador nga dili sila motumpang sa unsay mga dili maayong lihok sa ilang mga kaatbang sa politika, apan sila mohimo sa lakang nga pinasubay sa gimbut-an sa balaod.

Si Romero ang gikustudiya nila nila ni Ocampos ug Lim.

Una niini, gipadayag ni Romero,nga wala siya magtuo nga sila hasulon sa ingon niini.
Dako ang iyang pagtuo nga kining tanan usa ka lihok sa politika gumikan nga wala siya sukad makakita og away.

Gisabot ni Romero nga sukad siya mideklara nga magpapili sa pagka besi mayor sa Ozamiz, nagsugod na ang paghasol kaniya ug sa iyang pamilya.

Kahinumduman nga sa wala pa mahitabo ang pag raid sa ilang balay, gihiloan sa wala mailang mga atwo ang iyang siyam ka mga iro.

Matag gabii adunay mga namatikdan sa iyang mga sakop sa banay nga ingon sa adunay mga naniid sa ilang panimalay ug daghang hulga ang midangat sa iyang kinabuhi.

Apan kining tanan gidawat ni Romero ug wala siya motalaw sa iyang tinguha sa pag alagad sa katawhan sa Ozamiz.

Nasayran nga ang pag raid gipasayon sa CIDG ug SAF sa pagpanguna ni Police Superintendent Danilo Balmes ug Police Superintendent Juanito Indira ang Assistant regional Director for CIDG Region Ten.

Nakuha sa rading team sa panimalay ni Romero ang 76 ka mga bala sa carbine, 19 ka bala sa 9mm, 165 ka bala sa M14, pito ka magazine sa M14, usa ka carbine rifle, usa ka M16 nga napala na ang serial number, tulo ka short M16 rifle.

Samtang duha ka adlaw ang milabay human sa pagronda sa panimalay ni Romero, gidakop usab si Oscar ‘Boy’ Visitacion, tigpamaba sa kampo nila ni Ozamiz City Mayor Reynaldo Parojinog.

Gidakop si Visitasion gumikan sa tulo ka counts nga libel nga gipasaka ni Lim.
Wala makaprograma si Visitacion sa iyang binayran nga tulomanon niini niadtong Lunes sa buntag sa dxSY-AM gumikan kay gidakop kini sa 1005th Mobile group sa pagpanguna ni superintendent Edgar Daniel, group director.

Gisaysay ni Visitacion nga politika ang hinungdan nga gipasakaan siya og libel. Hinuon nakagawas ra kini human nga makapiyansa og P30,000.

Pacquiao nanagit og buros

TANGUB CITY—Nang-hostage ang usa ka tawo nga sama og bansagon ni Boxing superstar Manny ‘Pacman’ Pacquiao niadtong Abril 3, sa sitio Hinakutan, Guinalaban sakop niining siyudad.

Ang suspetsado giila ni police inspector Ian Borinaga, deputy chief of police sa Tangub City nga si Jovencio ‘Taloy’ Pacquiao, 32 anyos, mag-uuma ug lumolopyo sa Barangay Simasay u gang biktima mao si Edelyn Betache, 28 anyos, minyo sa purok 7 sa Barangay Guinalaban.

Sa imbestigasyon sa kapolisan, gipadayag ni Borinaga nga ang biktima ug ang suspetsado gituohan nga adunay relasyon human nga adunay mikatag nga mga tsismis.

Nasayran nga ang suspetsado miadto sa panimalay sa biktima aron makigklarohay sa mga kabanay sa babaye aron makigklarohay sa nasangpit nga isyu.

Apan sa dihang migawas ang igsuon sa bana sa biktima aduna kini dalang sumpak hinungdan nga gipugos ni Pacquiao pagdala si Edelyn ug gihimo kining taming arun makaikyas sa maong lugar.
Gidala ni Pacquiao ang biktima sa bukid sa awa-aw nga lugar diin didto na kini masakpi sa mga otoridad sa boundary sa barangay Guinalaban ug Barangay Simasay nga nagtion sa dala niining .38 kalibre nga revolver tumong sa ulo sa babaye.

Naglisod sa pagduol ang mga sakop sa kapolisan niadtongh higayuna.

Nasayran nga miabot sa tulo ug tunga sa oras ang nasangpit nga hostage drama nga nagsugod sa may alas tres y media sa hapon.

Pinaagi sa hinusang puwersa sa Tangub PNP sa pagpanguna ni Police inspector Ian Borinaga ang Deputy Chief of Police ilalom sa supervision ni Police chief inspector Elias Hampac uban ang mga sakop s 2ND Regional Public Safety Maneuvering Company 10TH Regional Public Safety Maneuvering Battalion nakabase sa barangay Sta.Maria, Tangub City pag-abag usab nil ni Guinalaban barangay chairman Hipolito Roxas, Jr., ug Simasay barangay chairman Alberto Ligawan gihimo ang usa ka negosasyon sa suspetsado.

Gidugang pa ni Borinaga nga ilang nadungog gikan sa ilang nahimutangan ang singgit sa babaye nga nangayo ug tabang hinungdan nga ilang gitawagan si Barangay kaapitan Roxas ug kini ang nakipagnegotiate sa hostage taker apan sanglit taga Simasay si Paquiao gipangayo niini nga ang ilang barangay chairman nga si Ligawan ang makahinabi

Human ang usa ka oras nga negosasyon mikanaog si Roxas sa bungtod nga nahimutangan ni Paquiao ug mitaho sa mga nakaalirong nga pulis nga boot niining mosurrender.

Gipa-una ni Paquiao ang duha ka kapitan padulong sa mga otoridad apan gibit-bit gihapon niini ang iyang dalang armas sa dihang nakakita og higayon ang mga pulis kalit giilog ang armas ug gisikop si Paquiao.

Taliwala sa maong hitabo hugtanong gipanghimakak ni Paquiao ang pagpang-hostage sanglit matod pa niini wala mapugos ang babaye sa pag-uban kaniya ug boot siya niining tabangan nga makaikyas sa armadong igsuon sa iyang bana apan wala na siya makahibalo sa angay nga buhaton human mamatikdan nga gi alironngan na siya sa mga otoridad.

Gidason pa ni Pacquiao nga boot niining pamatud-an nga mag-best friend sila sa babaye ug wala silay espesyal nga relasyon.Kasamtangan nga gibalhog sa Tangub City Police Detention Cell si Paquiao ug nag-atubang ug kasong illegal position of Fire Arms ug Serious Illegal Detention.

PNP recorded 3 big-time robberies during March

OROQUIETA CITY--The month of March is regularly considered as fire prevention month due to summer season, but this year March could also be called as “robbery prevention month” after local police recorded 3 big-time robberies happened in the province.

To recall, early morning of March 19, 3 unidentified suspects armed with handgun robbed LBC Calamba branch carted away P 20,000.00 and two units of cell phones.
Just four days later after the incident in Calamba, in Ozamiz a robbery happened this time robbers had taken P 4.5 M.

Police investigation revealed certain Antonio Quinto, finance officer of 3 W Builders Construction Company together with two colleagues withdrawn the amount from Land Bank of the Phillippines - Ozamiz Branch and to be transferred to Bangko de Oro (BDO) Ozamiz Branch, but around 10 meters away before the vehicle of the victims reached BDO their vehicle was blocked by two unidentified armed with caliber .45 pistol declaring “tulis”.

And lately last March 31,Holy Wednesday, a ten-wheeler cargo truck bearing plate no. GSA 526 from Bais City loaded with 450 sacks of refined sugar commonly called as asukar was robbed or taken by unidentified suspects in Sapang Dalaga.

According to the joint account of Armando Suligan driver and truck-man Andrelo Rodriguez, they were heading to Ozamiz City where their cargo to be delivered but upon reaching in Sitio Pasil, Brgy. Bitibot, Sapang Dalaga four unidentified suspects one of which was wearing police uniform pretending manning a checkpoint stopped the truck and immediately take-over the control of the truck heading to unknown direction.

The victims reported to Sapang Dalaga Police Station three days after the incidence because they were blindfolded by the suspects and detained separately.

Suligan was freed in one of the barangay in Pagadian while Rodriguez in Tudela.

The cargo truck when this report is written is not yet located.

Police investigators have not yet indentified suspects for three incidents.(ARCHIE AJIAS)