Online news maintained by Arn Antonette D. Carollo. We will publish your news for free just email it to misoccnews@gmail.com Call or Text +63908 - 206 - 0158               +63908 - 206 - 0158                    +63908 - 206 - 0158      

Thursday, January 21, 2010

Mar lauds exemplary student orgs


OZAMIZ City - LIBERAL Party President Senator Mar Roxas recognized the great sacrifices that the youth and their parents have made to ensure their future.

In his recent visit in Ozamiz City he attended the Misamis University Recognized Student Organization (MURSO) festival as guest of honor and keynote speaker.

“Hindi puwedeng ma-balewala na lang ang mga sakripisyo ng ating kabataan para sa kanilang edukasyon. Dapat suklian natin ito sa pamamagitan ng tunay at makabuluhang pagbabago sa bansa (The sacrifices our youth have made for their education should not be put to waste. We should reward this by instituting real and genuine change in our country),” he said.

“Lumalaban tayo para tanggalin ang marumi, baluktot at tiwali sa ating lipunan. Lahat ng ito, hadlang sa katuparan ng mga pangarap nating lahat (We are fighting against the unclean, crooked and corrupt in society, because all of these are obstacles towards the attainment of all our dreams),” he added.

In particular, Roxas said that there must be real and genuine change in our country’s education system. “De-kaledad na edukasyon ang magpapantay ng laban sa lahat ng kabataan, pinanganak man silang mayaman o mahirap (Quality education is what will level the playing field for our youth, whether they were born rich or poor).”

“Dahil bulok ang sistema, nagiging huwad ang diplomang natatanggap ng ating kabataan. Dapat ayusin natin ito para ang diploma ay may katapat na disenteng kabuhayan (Because the system is broken, the diploma our youth receive has just become a piece of paper. We should fix the system so that each diploma results in quality livelihood),” he said.

He lamented that for so long, the bankrupt education system has taken Filipino children for a ride. The Chairman of the Senate Committee on Education cited the United Nations, in its 2010 “Education For All” Global Monitoring Report, which said that the Philippines is trailing African countries Tanzania and Zambia in education outcomes.

He said that government invests so little in basic education: only about 2% of GDP, which is less than half of the global norm. “At lahat ng ito, lumubog na lang sa buhangin dahil sa malawakang katiwalian at sa mga patakarang napaglipasan na ng panahon (This little investment is just put to waste because of large-scale corruption and backward policies).”

The senator emphasized that the Aquino-Roxas platform for 2010 seeks to uplift education from being “just one of many concerns, to making education the central strategy for investing in our people, reducing poverty and building national competitiveness.” ( Neptalie Batolenio)

Grupo sa mga kapitanes sa Tangub musuporta ni Kaloy Bernad

Grupo sa mga kapitanes sa dakbayan sa Tangub musuporta sa kandidatura ni Vice Mayor Kaloy Bernad sa pagkabernador sa Misamis Occidental.

Dili pa lang dogay, ang maong grupo nakigkita sa besi mayor nahisgutang dakbayan ug nipadayag sa ilang suporta gumikan sa ilang lig-ong pagtuo nga kini maoy musunod ug mopadayon sa mga mithi sa maayong pagdumala nga gibilin sa iyang apohan nga si kanhi gobernador Don Anselmo Bernad ug sa amahan niini nga si kanhi Ozamiz City Mayor Fernando “Dongdong Bernad.

Samtang sa kabahin ni Tangub City Mayor Jennifer Tan gipadayag niini nga dili lisod nga makakuha og suporta si Bernad sa ilang dakbayan ilabina nga nasayod ang mga tangubanons nga wala ni sukad nagkabingkil ang banay nga Bernad ug Tan sukad pa niadtong panahon sa pagdumala ni kanhi Gobernador Alfonso Tan ug Mayor Dongdong Bernad.

Angayan masayran nga ang dakbayan sa tangub ang ikatulong siyudad sa Misamis Occidental nga may kinatibuk-ang gidaghanon sa mga lomolopyo nga 57mil ug moabot sa 30 mil ka mga botanti.

Subay niini giisip ang maong siyudad nga usa sa labing importanting dapit sa mga mokandidato sa provincial level.

Sa kabahin ni Vice Mayor Kaloy Bernad iyang gipasalamatan ang mga kapitanes ug mga opisyal sa dakbayan sa Tangub nga wala mahikalimot sa legasiya sa iyang apohan ug amahan ug kini mas nakadasig kaniya sa pagpalig-on sa iyang kandidatura.( Nanding Dumanjug, Office of the Vice Mayor)

SP mihatag og ayudang pinansyal sa MONHS alang sa ilang research program

Gi-aprobahan gilayon sa mga sakop sa Sangguniang Panlalawigan sa Misamis Occidental ang ayudang pinansyal nga gipangayo sa mga estudyante ug mga adviser sa Misamis Occidental National High School atol sa regular session sa mga SP member niadtong biernes.

Gipasabot ni Second District Board Member Henry Oaminal nga walay langan nila kining gikauyonan human nila nakita nga adunay maayong sangpotanan ang gihimong actual nga pagtuon sa mga estudyante sa MONHS sa kasamtangang kahimtang karon sa Morcillagos Bay nga maoy gikuhaan sa ilang panginabuhian sa katawhan gikan sa Baliangao, Calamba, Plaridel ug Lopez Jaena ug sa mga bayabayon nga sakop na sa Zamboanga Del Norte.

Ang actual nga pagtuon nga gihimo sa mga estudyante sa MONHS sa Morcillagos Bay mao kadto ang ilang gi-present sa gipahigayon nga Regional Science Fair didto sa Gusa, Cagayan de Oro City niadtong Noviembre diin sila ang nakakuha sa unang dapit.

Ang ayudang pinansyal nga gi-aprobahan sa konseho maoy gamiton sa team alang sa ipahigayon nga science fair national level didto sa Tacloban City diin ang team sa MONHS maoy mo-represent sa region-10. (Leoncio Medallo)

Comelec kompyansa sa poll automated elections

Bisan dili sigurado ang commission on election kun’ siento-porsiento ba gayud ang mamahimong performance sa precinct count optical scanners kon PCOS Machine nga gamiton karong May 10, 2010 National and Local Elections apan gipaniguro sa maong buhatan nga aduna gayu’y kalainan ang dagan sa eleksyon karong tuiga kon itandi sa mga nangaging pinili-ay.

Sa giluwatang pamahayag ni Comelec Provincial Supervisor-Atty. Cerilo Nala, atol sa usa ka hamubo nga programa sa wala pa ang pormal nga PCOS machine demonstration nga sa mga nangaging panahon human sa eleksyon, komentaryo ug mga kaso gilayon ang matagbu-an sa comelec bunga sa gikatahong mga iregularidad atol sa eleksyon.

Gipasigarbo sa Provincial Supervisor nga ang moang mga iregularidad masulbad kini pinaagi sa bag-ong teknolohiya nga gipaningkamotan gayud sa nasudnong kagamhanan nga mapatuman aron adunay kalinaw panahon sa pinili-ay.

Apan gipanghimatuod ni Atty. Nala nga bisan mapakubsan man ang iregularidad panahon sa eleksyon apan iyang gitagna nga dili na gayud mawala ang kalambigitan sa salapi matag pagpahigayon sa eleksyon.

Mga magtutudlo gibati og kabalaka sa mga PCOS machine nga isalig nila tulo ka adlaw sa dili pa ang adlaw sa eleksyon

Nabalaka ang mga magtutudlo nga basin sila unya ang basulon sa commission on election kun’ adunay madaut nga mga PCOS machine.

Kini human nila nasayri nga tulo ka adlaw sa dili pa ang May 10 election diha na nila ibilin ang mga makina.

Apan gipasabot sa commission on election nga walay angayang kabalak-an ang mga magtutudlo nga mamahimong Board of Election Inspector sa eleksyon sa katarungan nga dili lamang mga BEI ang mag-vigil o magbantay sa mga PCOS machine.

Gipasalig sa comelec nga ana-a ang mga watchers gikan sa nagkadaiyang partido, KBP, representante sa comelec, PNP, AFP ug uban pang mga concerned group nga naniguro gayud nga limpyo ang pinili-ay.

Gituyo sa comelec nga tulo ka adlaw ipanghatud na nila ang mga PCOS machine sa matag presinto gumikan aduna pay mahitabo nga mac election o pag-testing sa mga precinct count optical scanner machine.

Vice Mayor Kaloy Bernad nanawagan sa mga botante nga mosalmot sa automated campaign sa comelec

Human gibisitahan sa Comelec Regional Office ang lungsod sa Clarin ug Tudela kagahapon, ang dakbayan sa Ozamiz na usab ang gipahigayonan sa precinct count optical scanner kon PCOS machine demonstration.

Gipasabot sa bise mayor nga pinaagi niini ang mga opisyal sa comelec motudlo sa mga botante kun’ unsaon pagbotar gamit ang automated machines sa aktuwal nga paagi.

Gikinahanglan pag-ayo ang pagsalmot sa mga botante sa moang kalihukan aron sila makakita sa bag-ong kahimanan kun’ unsaon paggamit ug ang mga bag-ong lagda ug pamaagi aron dili mabasura ang ilang mga botos sa eleksyon.

Subay sa namatikdan sayon ang pamaagi sa automated election apan hilabihan kahigpit ug kun’ ugaling man dili mosunod ang mga botante ma-invalid ang botos ug dili maapil sa pag-ihap.

Gumikan niini aron dili mahimong kawang ang mga botos kinahanglan nga mosalmot ang mga botante sa seryi nga public demo sa bag-ong instruction sa comelec.

Ang automated elections unang ipatuman karong Mayo busa hilabihan ka delikado kun’ adunay pagkulang sa paghatag og panahon ang mga botante nga makakat-on sa bag-ong pamaagi sa pagbotar.

Ang botos timaan sa gahum pagpabarog og panggoberno nga ilang tahasan sa pagtubag sa panginahanglan sa katawhan.

Liberal Party sa Sinacaban mibarog

SINACABAN, MisOc. - Vice Mayor Kaloy Bernad sa dakbayan sa Ozamiz ug Vice Mayor Aniceto Mejaris sa lungsod sa Sinacaban, Misamis Occidental mipabarog sa LP Sinacaban Municipal Chapter kagahapong adlawa.

Ang duha ka opisyal sa Liberal Party sa Misamis Occidental kusganong mipasabot sa lig-ong prinsipyo ug baruganan sa nasangpit nga partido political nga gipangulohan ni Senador Noynoy Aquino ug Senador Mar Roxas.

Gipasabot ni Bernad ug Mijares nga ilang gidawat ang lisud nga hagit nga walay kahadlok bisan nga sila dili sapi-an nga mga kandidato sukwahi sa uban nga nagsalig sa gahum sa kwarta.

Susamang pagtuo ang ilang gibarugan nga si Noynoy ang mosunod nga pangulo sa nasud nga nagdala og paglaum alang sa kausaban sa nasudnong panggoberno ngadto sa lokal nga ang-ang gikan sa naghitak nga corruption, kawad-on, mahadlukon sa Dios, matinud-anon sa katawhan.

Atubangan sa mga bag-ong miembro sa gipasabot ni Mijares nga bisan lisud ang iyang kahimtang isip kandidato nga magpasubli sa pagkabise mayor sa Sinacaban, nibarog siya subay sa kawsa sa partido busa wala siya motapo sa laing partido nga giilang sapian.

Samtang si Bernad mipasabot nga siya sama sab ni Nonoy nga may legasiya sa mga ginikanan nga nagmodelo sa maayong lederato nga ilang giampingan, may abilidad ug kwalipekasyon.

Gumikan niini lig-ong nakombinse ang mga bag-ong sakop sa partido liberal sa Sinacaban ug nanumpa sila sa atubangan ni bise mayor Bernad ug Mijares.