TALIWALA sa pagkaalarma sa Department of Health (DOH) sa kaulohan gumikan sa gidahuman nga pagtaas sa kaso sa tipdas ilabina niining panahon sa ting-init apan walay namatikdan nga pagtaas sa lalawigan sa Misamis Occidental.
Gipahayag ni Dr. Rachel Micarandayo, provincial health officer nga sagad ang tipdas sagad mogula sa panahon sa ting-init ug dali nga motakod ngadto sa tawo nga wala mabakunahi.
Kasagrang mabiktima sa tipdas mao kadtong mga bata ilabina kadtong walay vaccination.
Gidugang ni Micarandayo nga ang lalawigan sa Misamis Occidental nakaangkon og taas nga accomplishment sa measles immunization ilabina sa mga fully immunized children nga mikabat og 90%.
Kini subay sa gilusad nga halapad nga pagpamakuna nga gihimo sa mga City heath Offices ug sa mga Municipal Health Centers.
Una na nga nagpasidaan ang DOH nga posibli nga mahitabo ang komplikasyon sa tipdas sama sa diarrhea ug pakabuta kon dili guilayon kini matambalan.
Ang tipdas usa ka mamanakod nga sakit nga dala sa virus, ang mga sintomas niini mao ang hilanat, ubo, sip-on ug pagpamula sa mata og human molabay ang mga adlaw manggawas ang mga puntik-puntik nga pula sa lawas sa pasyente.(ROMERICKO NABONG GREGORIO)
No comments:
Post a Comment