ISIP kabahin sa pag-overhaul sa Ozamiz City Hall, usa sa gitutukan ni Mayor Nova Princess Parojinog-Echavez ang mga empleyado nga naputos ug nalubong sa utang.
Nasuta sa mayor nga usa kini sa rason nga ang mga empleyado magtinapol ug magbinulakbol sa ilang mga trabaho tungod kay wala nay mabalin sa ilang suweldo kay taman lang usab kini ibayad sa ilang utang.
Dugang niini nga dili na makatarong sa pagtrabaho ang mga empleyado tungod kay maghunahuna kini og asa makakuwarta alang sa pagsuporta sa ilang pamilya.
Gi-discourage usab sa mayor ang mga empleyado sa pagbaligya sa ilang sweldo ug magpasagad sa pag-ngutang sa mganagpalibot nga mga lending institution.
Gipadayag sa usa ka wala magpaila nga empleyado nga napugos usab sila sa pagbaligya sa ilang suweldo tungod kay langan sila nga masuweldohan sa Ozamiz City Hall.
Gisaysay ni Echavez nga isip inahan sa Local Government Unit (LGU) dili niya gusto nga mag-antus ang iyang mga anak sa butang pinansyal ug tinguha niya nga matabangan ang matag usa aron mo-asenso.
Gidugang sa batan-ong mayora nga iyang kalipay nga makita ang iyang mga empleyado nga epektibo sa ilang gimbuhaton aron sa ingon makahatag og makatagbaw nga serbisyo ngadto sa katawhan.(ARN ANTONETTE CAROLLO ug NEPTALIE BATOLENIO)
Magmugna og mga paagi nga makatabang sa empleyado nga makalingkawas gikan sa utang. Dunay sistema nga motabang kaniya pagdumala sa iyang mga pinanses.
ReplyDeletedaghang lending institution dha sa Ozamiz City Hall, Naa na gni sa sulod sa city hall ang lending. Mangutana mo sa city treasurer's office kung knsa.
ReplyDelete