Rehistrasyon sa PhilHealth ug SSS sulbaron

PANGLANTAW ni Ozamiz City Vice-mayor Carlos Patricio ‘Kaloy’ Bernad ang malungtaron nga pagrehistro sa Philippine Health Insurance corporation (PhilHealth) ug Social Security System (SSS) nga masulbad pinaagi sa public and private employment.
Gipadayag ni Bernad nga ang pagmugna og panginabuhi sa katawhan pinaagi sa pagpalapad sa skills training program, mohimo og assistance program aron makatrabaho sa sulod o gawas sa nasud, pagpadaghan sa produksiyon sa panguma ug pangisda, pagproseso niini, paagi alang sa pagsulod sa lokal ug langyaw nga magpupohonan.

Pinaagi niini mamogna ang pribadong panarbaho agig suporta sa pampublikong panarbaho, ug usab pinaagi niining malungtarong panginabuhi sayon na ang pagparehistro sa katawhan sa SSS ug PhilHealth.

Gipasabot sa bise-mayor nga kon mahimo niya ang pagpatrabaho sa duha ka gatus ka pamilya pinaagi sa ilang personal nga patigayon sama sa Carmela Bread and Pastries, Poultry Farm ug Cassava Planting and Buying, mas daghan pa unya ang makatrabaho kon siya ang gobernador sa lalawigan.
(Nanding G. Dumanjug, Office of the Vice Mayor)