Carmela Dulce nakamogna og gatusan ka trabaho

OZAMIZ CITY--CARMELA Dulce nakamogna og gatusan ka panarbaho sulod sa 12 ka tuig nga pag-alagad sa katawhan pinaagi sa pagbukas og mga branches ug ingon man pagpakigkasosyo sa mga franchisees sa Misamis Occidental, Lanao del Norte, Zamboanga del Sur ug Luzon.

Kini nga business venture nagsukad sa Ozamiz, unang naila sa pagluto og pinangita nga meat bread, siopao, cakes, pastries ug ni “expand” sa catering services.

Sa pagsaulog niini sa ika 12 ka tuig nga kasumaran sa pagkamogna, nakita sa management nga nakaempleyo na kini og gatusan ka mga trabahanti pinaagi sa ilang branches and franchisees dinhi sa Ozamiz isip main branch ngadto sa franchisees niini sa Jiminez, Oroquieta, Misamis Occidental, Maranding Lanao del Norte, Molave, Zamboanga del Sur, Pagadian City, Sindangan, Ipil, labing ulahi sa Manila ug umaabot sa Guam.

Gipahayag ni Vice-mayor Carlos Patricio ‘Kaloy’ Bernad, proprietor, President sa Carmelas Dulce nga gipanalanginan sa Labawng Makagagahum ang ilang paningkamot nga nagsugod sa simpling pagluto-luto sa iyang kapikas sa si Mrs. Norie Bernad ug siya mismo isip assistant cook niadtong didto pa sila nagpuyo sa Davao City, wala damha nga nilipang kini nga negosyo nga nagsukad sa Ozamiz sukwahi sa mga dagkong food chains nga nagikan sa kaulohan ug kabisay-an.

Samtang gipadayag ni Sister Regina “Inday Bernad” spiritual adviser, iyaan sa besi mayor nga sa paglambo sa maong negosyo wala mahimong adunahan ang besi mayor, apan ang labing importanti nakahatag kini og panginabuhian sa mga kabus.

Ang pagsaulog sa Carmela Dulce 12th Anniversary and Christmas party disyembre 6 sa Bernad Farm House, Kinuman Norte, Ozamiz City , gitambongan sa tanang mga kawani sa ilang branches and franchisees nga nakasentro sa usa ka tema “Panaghiusa ug Pagtimbayayong padulong sa Kalambuan”.(Nanding G. Dumanjug, Office of the Vice Mayor)