SUPAK si Misamis Occidental governor Loreto Leo Ocampos sa pagdeklara ni Presidente Gloria Macapagal Arroyo sa Martial Law sa lalawigan sa Maguindanao.
Gipadayag ni Ocampos nga dili angay ang pagdeklara og Martial Law tungod kay nagpasabot ug nagpakita kini sa kahuyang sa pagpatuman sa balaod ug ingon man sa mga awtoridad.
Gidugang ni Ocampos nga gikinahanglan mao ang pagpatuman sa balaod aron sa pagsulbad sa unsa mang kadaotan sa maong dapit diin wala na kinahanglana ang Martial Law.
Iyang gisaysay usa ra ang paagi mao lamang ang pagpatuman sa balaod.
Kahinumduman nga niadtong Disyembre 5, gipailalom ni Presidente Arroyo ang Cotabato City , probinsiya sa Sultan Kudarat ug Maguindanao gumikan sa nahitabong pagpatay sa 57 ka mga tawo nga naglangkob sa 30 ka mga sakop sa media, asawa ni Buluan Vice-mayor Esmael Mangundadato, igsoong babaye niini, sister in-law, duha ka abogado, ug mga lumalabay niadtong Nobiyembre 23. ( Neptalie Batolenio )
No comments:
Post a Comment