PLARIDEL,MisOc—Usa sa gitutukan nga proyekto ni Misamis Occidengtal 1st District Board member Edilma Bulawin ang may kalambigitan sa pag-angat sa ekonomiya sa katawhan.
Gipadayag ni Bulawin nga ang livelihood program sa mga kababayen-an ang iyang una nga gitutukan sanglit wala pa nianang panahona ang Children’s code.
Naka-sentro niini ang pagpalig-on sa bugkos sa pamilya apil na niani ang reproductive health.
Gidugang ni Bulawin nga iyang gigahinan og pondo gikan sa iyang Rural Urban Development Fund kon RUDF ang 2-day Organic Vegetable Production Training sa pakig-alayon sa Provincial Agriculture Office.
Sulod sa 2 ka adlaw nga pagbansay akto nga gitun-an sa mga kababayen-an kon unsaon pagbuhat og Organic Fertilizer. Alang niadtong anaay mga area nga katamnan, gihatagan usab nila kini og mga farm tools, farm implements ug organic fertilizers.
Mokabat na ngadto sa 35 ka mga grupo sa kababayen-an gikan sa lungsod sa Conception ngadto sa Pana-on ang nakadawat og mga seedlings og libreng pagpang-traktor.
Sa tumong nga molungtad kini nga programa anaa’y grupo nga nagsubay aron masiguro kon napatuman ba ilang nakat-onan sa traning.
Laing pahat gikan sa RUDF ni Bulawin mao ang paghatag og Financial Assistance sa mga Kababayen-an, mga mag-uuma, ug sa non-government organization nga nahimong ka-abag alang sa kalamboan sa probinsiya. (MAE AGOT DELARMENTE)
No comments:
Post a Comment