USA sa dakong problema sa pipila ka mga local government units (LGU) sa Misamis Occidental ang corruption.
Gipadayag ni Misamis Occidental governor Loreto Leo Ocampos nga kon dili lang kawaton ang kuwarta sa gobiyerno aduna gayoy mahatag nga kuwarta.
“Aduna koy unofficial-informal reports, grabe ang corruption sa Ozamiz City Hall mao na nga walay finance nga makahatag og bonus ug uban pang benipisyo mao nang ang ubang mga suweldo ulahi kayo sa tanan,” saysay ni Ocampos.
Gidugang sa pagsaysay ni Ocampos nga dili maayo nga usik-usikan ang kuwarta sa gobiyerno.
Gitinguha ni Ocampos nga paimbestigahan ang iyang nadawat nga report nga ang mga tag-as nga opisyal sa Ozamiz kon molarga ngadto sa kaulohan moabot sa 20 ang gidaghanon nga tataw nga usa ka paagi sa pag-usiuk sa salapi sa gobiyerno.
Isip pagpakita sa ehemplo, gidugang ni Ocampos nga kon siya ang molakaw magdala lamang siya og usa ngadto sa duha security personnel bisan pa man nga nagkahulogan kini sa kahamyang sa iyang kinabuhi.
Gawas niini gidugang ni Ocampos nga kinahanglan nga i-prioritize unsa man ang angay nga ipatuman nga proyekto nga naglambigit sa pagasto og kuwarta.
Walay gipagawas nga tubag ang kampo nila ni Ozamiz City Mayor Reynaldo ‘Aldong’ Parojinog, Sr., hinuon igo lang mipahiyom ang mayor sa dihang gipabati kaniya ang pamahayag ni Ocampos.
Sa pikas nga bahin, gipunting usab ni Ocampos ang giingong reklamo sa duolan sa 200 ka mga habal-habal drivers nga labing daghan pa ang bombilya sa Tangub inay kay sa Philippine Health Insurance.
“We must go back to humility, Christmas spirit cannot be propagated how magnificent your lights are, mag-unsa manang suga kon ang tawo dili makapa-hospital,” dugang ni Ocampos.
Iyang gihinapos nga kini sayop nga prayuridad sa mga programa.
Kahinumduman nga una na nga gitubag ni Tangub City Mayor Jennifer Tan ang pagkahimong usa sa prayuridad ang Christmas symbols ilabina nga nakapalagsik kini sa natad sa torismo sa siyudad ug sa kinatibuk-an sa lalawigan sa Misamis Occidental.
Sila si Ocampos, Tan ug Parojinog managsamang magpapili sa pagka-kongresista sa ikaduhang distrito sa Misamis Occidental. ( MAE AGOT DELARMENTE )
Walay demokrasya sa usa ka syudad nga pulipulihan lag dumala sa usa lamang ka pamilya.
ReplyDeleteako di jud motuo nga kana si governor isa o duiha ra ka security dad-on kay kana siya asta iyang anak naa'y mga security nga civilian.sa kadaghan sa iyang gi trydor dili na siya mahimo nga usa o duha ra ka security.ug dili pod angay si gov.mag malinis kay ang iyang kinurakutan wa man niya giapkita diri sa miss.occ tua man sa lain lugar niya gi bulhot. ug ikaw anonymous nga bugo wala kay labot ug kinsa ang iboto sa katawhan sa ozamis.kung ni asenso ang syudad tungod sa usa ka apilido usa ka pamilya ngano man nga di mi mosugot nga puli pulihan nila ug dumala among syudad?
ReplyDeleteAng astrolohiya mao ang labing maayong butang alang sa kinabuhi. Kini mao ang yawe sa tanang matang sa mga problema sa kinabuhi. Kon adunay bisan kinsa nga tawo nga adunay mga problema sa kinabuhi unya siya kinahanglan nga makigtagbo uban sa labing maayo nga astrolohiya nga espesyalista sa City nga nakig-kontak sa Templeofanswer@hotmail.co. uk / + 234 (815) 542-5481
ReplyDelete