NAGPAHIGAYON og Coastal and River Banks Clean-up Drive ang Alalay at Gabay sa Pag-unlad ng Pamayanan (AAGAPAY) kaniadtong Pebrero 14, adlaw sa kasing-kasing.
Gipahayag ni Boby Lim , AAGAPAY member nga ang maong kalihukan gi-abagan sa 188 ka Misamis Institute of Technology-Reserve Officer Training Corps (MIT-ROTC) dala ang mga sako, ug mga silhig nga nanghinlo sa Barnagay Bongbong, Carmen Annex ug Catadman, Ozamiz City.
32 ka mga sakup sa Guardian Brotherhood ang mi-uban sa maong kalihukan diin miabag usab ang 100 ka lumolupyo sa Barangay Carmen Annex, 80 ka lumolupyo sa Bongbong, 100 ka lumolupyo sa Catadman, 43 ka mi8yembro sa Eagles Club, Ozamiz City Chapter ug 50 ka mga batan-on sa Tangub City sa pagpanguna ni Leogen Cuambot ang youth leader.
Ang AAGAPAY gimugna alayon sa hut-ong sa Non-Governmental Organizations (NGO's), Religious group, magpapatigayon, government agencies, hut-ong sa katilingban ug uban pa.
Ang tumog ug tuyo sa AAGAPAY mao ang pag-agak sa katawhan alang sa kaugmaran sa panginabuhi ug ingon man sa katilingban.
Lakip niini ang pagpananom og kahoy, pagpanglimpyo sa mga palibot alang sa hapsay ug luwas nga kinaiyahan batok sa climate change.
Sa kinatibuk-an moabot sa 593 ang misalmot sa maong pagpanghinlo.
Nasayran nga ang AAGAPAY nagbaton sa hiyas nga MakaDiyos, makatao, Makalikasan ug Makabansa.
No comments:
Post a Comment