OZAMIZ City - Human official nga nagsugod ang campaign period alang sa national position aduna nay mga posters og streamers sa kandidato sa pagka presidente og bise presidente nga gipatapot sa pipila ka bahin sa dakbayan sa Ozamiz.
Unang mibandera diha sa mga poste sa koryente, mga poste diha sa island paingon sa pantalan ang ug sa uban pang mga plantandang lugar sa syudad ang streamers ni Senador Manny Villar ug Senador Loren Legarda standard bearer sa pagka presidente ug bise presidente ilawom sa bando sa Nacionalista party.
Una nang mipagawas ang Comelec Resolution 8758, diin adunay gitakdang hustong lugar diin didto ipatapot o e- display ang mga posters, stickers ug streamers ug dili sa mga poste sa koryente, pader, punoan sa lobi , mga kahoy bato ug mga eskwelahan.
Didto sa kaulohan, gihatagan sa COMELEC hangtud karong biernes ang mga kandidato sa may 10 elections nga tangtangon ang ilang mga campaign materials nga gikabit o gi -display sa wala gitugot nga common poster areas.
Una nang nagpasidaan ang COMELEC nga mag-atubang sa posibling disqualification ang kandidato nga mapamatud-ang milapas sa elections laws. Romericko Gregorio
Headline:Former Governor Florencio Garcia hingpit mosuporta ni Noynoy-Mar-Kaloy.
ReplyDeleteFormer Governor Florencio Garcia sa Misamis Occidental mihatag sa iyang hingpit nga suporta ni Noynoy-Mar-Kaloy. Siya karon ang gitahasan nga chairman sa Noynoy-Mar-Kaloy Voluntary Movement sa Misamis Occidental.
Ang kanhi gobernador boluntaryo, linawas nga mokampanya uban ang iyang kapikas ug mga anak gamit ang ilang personal nga resources aron motabang sa pagpalig-on sa kandidatura ni Senador Noynoy Aquino, kandidato pagkapresidente, Senador Mar Roxas pagkabesipresidente ug Vice Mayor Kaloy Bernad sa Ozamiz, kandidato pagkagobernador sa Misamis Occidental susamang mga kandidato sa Partido Liberal.
Dako ang pagsalig sa kanhi Gobernador sa kaligdong sa tulo ka kandidato nga mangulo sa nasod ug sa lalawigan.
Gipasabot sa Gobernador si Noynoy, Mar ug Kaloy susamang mahadlokon sa Dios, ligdong, may Katakus, Kahibalo sa pagdumala ug pagtuman sa tahas sa katawhan.
Si Garcia gihulagway nga buotan, relihiyoso, matinud-anon nga gobernador sa Misamis Occidental nga midaog sa eleksiyon sa suporta sa mga reliheyosong sector sa lalawigan.
(Nanding Dumanhug, Office of the Vice Mayor)
Vice Mayor Kaloy nanawagan sa mga botante nga dili magpadala sa kuwarta.
ReplyDeleteVice Mayor Kaloy Bernad nanawagan sa mga botante sa lalawigan nga dili magpadala sa kuwarta panahon sa eleksiyon.
Walay Paglaum nga makab-ot ang maayong Kaugmaon sa lalawigan sa Misamis Occidental kun magpadayon ang kultura sa sayop nga sistema sa politika nga mahimong dakong bahin niini ang pagpamalit og botos.
Nahimong tradisyon na sa mga trapong politiko ang pagpamalit og botos sa mga botante nga maoy hinongdan nga hinay ang pagkab-ot sa kalamboan, kausaban, gumikan kay nahimong bota o bungol ang mga namunoan, o kon adunay programa ug proyekto maningkamot nga makasapi aron makabawi sa nagasto sa eleksiyon ug andamon alang sa sunod nga piniliay.
Gipasabot ni Bernad nga kini nga eleksiyon importanti kaayo gumikan kay kini ang isipon nga dakong kahigayonan aron makapili ang gamhanang mga botante og hustong mga pangulo sa lalawigan nga maningkamot sa pagmogna og mga programa ug proyekto aron mahaw-as sa talay sa labing pobring lalawigan sa nasod ang Misamis Occidental.
Gibutyag sa besi mayor nga sukad sa iyang pagsulod sa politika ug midaog isip konsehal ug nakab-ot ang posisyon isip last termer vice mayor sa siyudad, wala gayud siya mopalit ni bisan usa ka boto sa botante.
Supak sa iyang kabubut-on, sa iyang pamilya, ilabina nga aduna silay sakop sa pamilya nga pari ug duha ka madre, busa dili gayud mahimo nga maoapil siya sa pagpamalit og botos sa mga botante.
Gituohan nga ang vote buying usa ka binhi sa korapsiyon, busa magpabilin gayud kini nga suliran samtang magpadayon usab ang suliran sa pagpamalit og botos sa mga botante. (Nanding G. Dumanhug, Office of the Vice Mayor)
Noynoy, Mar, Kaloy managsamang baruganan batok sa Anti Life Bill
Senadur Noynoy Aquino, Senadur Mar Roxas ug Vice Mayor Kaloy Bernad, managsama ang baruganan nga kusganong nagsupak sa Anti Life Bill.
Gipasabot ni Bernad nga ang pamilya ni Noynoy, Mar Roxas ug mismong ang iyang pamilya managsamang lig-ong nagsunod sa pagtulon-an sa simbahan ilabina si kanhi presidenti Cory Aquino, ang inahan ni Noynoy, mga ginikanan ni Mar, ug ang iyang apohan nga si kanhi Gobernador sa Misamis Occidental Don Anselmo Bernad, iyang uyoan nga si kanhi Historian Priest Fr. Miguel Bernad, iyang mga iyaan nga mga madri nga sila si Sister “Inday” Regina Bernad ug Sister Teresita Bernad.
Kalabot niini iyang gikorihian ang sayop nga gipakatag nga taho ug pagsabot nga si Noynoy nagsuporta sa Anti Life Bill. Ang nahisgutan nga sugyot balaodnon makalipat gumikan kay gepresentar ngadto sa publiko isip usa ka lehislasyon nga nanalipod sa katungod sa kababayen-an, apan adunay gisulip nga probisyon nga himuong legal ang abortion, paggamit sa contraceptives nga makadaot sa kahimsog sa kababayen-an, pagtugot sa balaod nga magkaminyoay ang babaye ug babaye, lalake ug lalake.
Iyang gidogang nga imposibli nga matinuod ang nahisgutan nga taho gumikan kay si kanhi presidenti Aquino usa lig-ong magtutuo sa simbahang katoliko nga nagsupak s polisa sa goberno nga makadaot sa kababayen-an o sa katilingban.
Sama kaniya nga ang mga ginikanan nag-alagad sa simbahang katoliko nga lig-ong nagsunod sa kinabuhing kristiyanos busa kusganon kining nagsupak sa Anti Life Bill.
Gihimong kamatuoran sa besi mayor nga mismo ang Sangguniang Panglungsod sa dakbayan sa Ozamiz kinsa siya ang pangulo dogay nang nagpasar og usa ka resolution nga hiniusang giaprobahan sa tanag membro niini nga kusganong nagsupak sa Anti Life Bill gumikan kay kini nakasupak sa batakang balaod, sukwahi sa pagtuong kristiyanos ug makagusbat sa pamilya ang giila nga katilingbanong institusyon. (Nanding G. Dumanhug, Office of the Vice Mayor)