Dili tinuod nga dunay kagubot sa Baliangao

BALIANGAO,MisOc—Giingong bunga lamang sa kataranta ug kabalaka sa politika ang giingong nahitabong kagubot sa Barangay Naburos niininbg lungsod.

Sibo sa napatik sa usa ka mantalan nga ‘The new Nandau’ nga nakabasi sa Dipolog City nga walay kamatuoran ang unang migawas nga taho nga adunay nahitabong kagubot sa lunbgsod sa Baliangao gumikan sa paggamit sa usa ka hut-ong sa politico og grupo sa mga kriminal.

Kahinumduman nga unang gipadayag Baliangao Vice-mayor Agne Yap, mayoralty candidate nga nanglayas ang 80 ka lumolopyo sa Barangay Naburos tungod sa kahadlok nga patyon sa hut-ong ni Svetlana Jalosjos nga migamit og grupo sa kriminal nga gipangulohan sa usa ka Dondon Duque.

Nasayran ang taho nga nagubot ang Baliangao midangat usab sa national media.
Sa gihimong pagsuhid, nasayran nga adunay namakwit sa nasangpit nga barangay apan giingong bunga lamang kini sa kataranta sa administrasyon diin adunay panagbangi sa pamilya nga gisakyan sa politika.

Usa ka false alarm ang nahitabo diin mugna lamang sa ilang barangay kapitan nga si Alberto Garcia.

Gipadayag ni Kagawad Domingo Garcia igsoon ra usab sa kapitan nga ‘inaktor’ lamang sa iyang magulang ang nahitabong adunay nanghulga nga misumbong usab dayon ni Yap nga dali usab dayon nga mipadala og polis ug militar.

Nasaran nga sa dihang mibisita si Svetlana Jalosjos, mayoralty candidate naatolo nga adunay gitabangan og kulata sila si Kapitan Garcia ug usa ka sakop sa CVO nga si Ramil Pantaliano alyas Tangkag ug gawas niini naenkuwentyro usab sa kapitan ang pag-umangkon niini nga ginganlan og Dondon diin mibayad nga mobalos kaniya.

Tungod sa katarungan nga daghan na ang iyang ka-tagibarangay nga wala na mosunod sa giingong suportahan nga politiko sa kapitan ug sa kabalaka nga mapildi ang iyang gisuportahan hinungdan nga mihimo kini sa nasangpit nga senaryo.