Bernad gitahasan sa pag-organisa sa Liberal Party sa MisOcc

OZAMIZ City - Vice-mayor Carlos Patricio ‘Kaloy’ Bernad gitahasan sa Liberal Party nga mu-organisa sa han-ay sa mga kandidato sa partido sa Misamis Occidental.
Ang pagtugot nadawat sa besi mayor niadtong petsa 23, Huwebes ning bulan sa Oktubre ug pagdangat sa adlawng Sabado agig follow-up linawas nga nianhi sa Ozamiz ang Political Leader for Mindanao sa LP nga si Engr. Jojo Jardine alang sa party conference.

Gipahayag ni Jardine nga lima inpluwensiyadong tawo ang rekomenda kaniya nga kinahanglan nga kuhaon sa partido si Vice Mayor Kaloy Bernad gumikan kay nakita sa partido nga haom sa partido ang mga mithi sa besi mayor ug sayon nga matakdo standard bearer sa LP nga si Noynoy Aquino ug sa Runningmate niini nga si Senador Mar Roxas.
Si Kaloy usab sama ni Noynoy ug Mar nga nidawat sa legasiya sa ilang mga ginikanan nga kanhi niupot sa renda sa pangagamhahan.

Si Noynoy mao ang anak ni kanhi presidenti Ninoy Aquino, Mar Roxas, apo ni kanhi Presidenti Roxas samtang si Kaloy mao ang anak ni kanhi Mayor sa Ozamiz Fernando Dongdong Bernad, ang makasaysayanong pangulo sa siyudad ug ang besi mayor mao usab ang gituhoan nga musunod sa tunob sa iyang apohan nga si Kanhi Gobernador Don Anselmo Bernad, ang walay pilding gobernador nga namunoan sa lalawigan sulod sa napulog usa ka tuig, ang giila nga labing unang gobernador nga gipili sa katawhan pinaagi sa pangkinatibuk-an nga eleksiyon.

Ang besi mayor may relihesong pamilya sama kang Ninoy, kamatuoran niini, ang iyang uyoan usa ka pare nga si Late Historian Priest Fr. Miguel Bernad ug ang iyang duha ka madre nga iyaan nga sila si Sister Regina “Inday” Bernad ug Sister Terisita Bernad kisa padayon nga nag-alagad sa Dios ug sa katawhan.

Gipahayag ni vice mayor Kaloy nga dili angayan nga matingala ang lumad nga misamisnon sa iyang hukom gumikan kay iyang amahan nga si Dongdong orihinal nga membro sa Partido Liberal.

Kalabot niini ang dako nga tahas sa besi mayor sa pag organisa sa Partido Liberal sa Misamis Occidental nagpakusog sa posibilidad nga modagan siya sa pagkagobernador sa Misamis Occidental ubos sa standard bearer sa partido alang sa pagkapresidenti ug presidenti nga si Noynoy Aquino ug Mar Roxas. ( Nanding G. Dumanjug, Office of the Vice Mayor)