City Agriculture nakasento sa upat ka tumong sa tuig 2010

OZAMIZ City - Agriculture Office nakasentro sa upat ka nag-unang tumong sa tuig 2010.

Sa Budget Document nga giduso ni City Agriculturist Rizalino Paglinawan nga giaprobahan ni Mayor Aldong Parojinog, gipasabot niini nga ang upat ka mga nag-unang tumong mao ang pagkab-ot sa tinguha nga maklaro nga mokita gyud ang mga mag-uuma ug mangingisda, pagtabang aron masiguro ang pagkaon sa katawhan o may ego , das-ag nga kaugalingong supply sa pagkaon, pagpalambo sa gahum sa hut-ong sa banika ug pagminus sa kalihukan sa illegal nga panagat.

Gipahayag ni Vice Mayor Kaloy Bernad nga kinahanglan nga suportahan sa sangguniang panglungsod ang tinguha sa buhatan sa panguma ning siyudad aron katabangan nga molambo ang panginabuhi sa mga mag-uuma ug mapalambo usab ang serbisyo sa katawhan pinaagi sa pagpadas-ag sa supply sa pagkaon bunga sa ilang kahago sa pagtikad sa yuta.

Sa nahisgutan nga dokomento gipasabot og dogang ni Paglinawan nga kabahin sa ilang programa ug kalihukan sa tuig 2010 aron makab-ot ang ilang nakahan-ay nga tumong mao ang pagpalapnag sa kasayuran ug kahibalo kabahin sa pagpadas-ag sa produksiyon sa panguma ug panagat pinaagi sa pag establisa ug demo farms, tranings ug info drive, pag-apod apod og de kalidad nga mga binhi ug uban pang planting materials ngadto sa mga mag-uuma ning siyudad, pagpalambo sa patigayon sa panguma ug ang pagpatuman sa programa alang sa paghatag og kusog sa mga hut-ong sa mga mag-uuma ug mangingisda sa kabanikanhan.

Subay niini ang city agriculture office niduso sa ilang sugyot gahin sa tuig 2010 nga mokabat sa P 6, 966,413.00.