BM Oaminal midayeg sa gihimong inisyatiba sa LGU sa Clarin kalabot sa BPSO seminar

CLARIN, MisOcc.- Gidayeg ni Second District Board Member Henry Oaminal ang kagamhanang lokal sa lungsod sa Clarin ilalom sa administrasyon ni Mayor David Navarro uban sa mga sakop sa Sangguniang Bayan sa pagpanguna ni Vice Mayor Emeterio “Memeng” Roa gumikan sa gihimo niining inisyatiba ang pagmugna og tinuig nga pagbansay sa mga sakop sa Civilian Volunteers Organizations isip Barangay Public Safety Officer.

Nagkanayon ang Board Member nga ang pagmugna sa ingon niini nga programa, usa ka maayong buhat nga nagtan-aw sa hayag nga ugma.Gumikan kay usa kini ka pamaagi sa kampanya aron makab-ot ang gipangandoy’ng kalinaw sa usa ka dapit.Kun’ linaw ang usa ka dapit mas paspas ang tinusbawan sa lungsod ug individual gumikan kay daghang mga investor nga kompyansang mobubo og puhonan gumikan kay nakita nila nga malinawon ang maong dapit.

Sa pikas nga bahin, kasagaran sa mga nakahuman sa Sharing Computer Access Locally and Abroad kon SCALA nakasulod og trabaho sa local nga mga establisimento. Sumala pa ni City Social Welfare and Development Officer Ludie Salud Raras, sa City Social Welfare and Development Office na-practice sa mga graduates ang ilang nakat-onan sa computer samtang nagtungha sa CSWD.

Ang SCALA usa sa mga programa ni Mayor Reynaldo ‘Aldong’ Parojinog, Sr. Sila mga residente sa dakbayan sa Ozamiz nga wala makahuman pag-eskuwela apan gustong makat-on sa skills training nga gipasayon sa kagamhanang local sa dakbayan.

Dili pa lang dugay, sa ikasiyam nga batch ang migraduwar sa SCALA adunay 28 ka out-of-school nga kabataan. Atol sa graduation, ang mga graduates gidasig ni city councilor Nova Princess Parojinog-Echavez.( Ronda Balita)