Day care nakatabang pagpalambo sa values sa kabataan

OZAMIZ City - Dako og ikatabang ang mga day care centers pagtuon sa hustong pamatasan sa kabataan.

Kini ang gipamahayag ni Marivic Kaamiño, ang hepe sa technical assistance division sa city social welfare and development office sa dakbayan sa Ozamiz.

Dugang pa ni Kaamiño adunay insaktong giya ang mga magtutudlo sa day care unsaon nga makat-on ang kabataan sa hustong pamatasan, paglambigit sa isig-ka-bata nga mahuptan ang prinsipyo sa kalinaw ug daghan pang uban.

Pinaagi sa day care centers, ang mga magtutudlo sa pre-school dili maglisod paggiya sa mga kabataan pagsulod sa sunod nga ang-ang.

Ang dakbayan sa Ozamiz adunay 88 ka mga magtutudlo sa day care. Sila ang nag-atiman sa 3,000 ka kabataan nga nagtungha 66 ka day care centers.