NAGKADAIYANG serye sa mga kalihukan ang gihimo karon sa city social welfare and development office ngadto sa mga kinder nga nagtungha sa mga day care centers sa dakbayan sa Ozamiz.
Ang serye sa mga kalihukan sa CSWD may kalambigitan sa 17th children’s month celebration nga gisaulog sa tibuok nasud matag bulan sa oktobre.
Oktobre-26, adlaw’ng lunes, mitambong ang mga preschooler sa usa ka misa didto sa cathedral.
Oktobre-27, adlaw’ng martes, gipahigayon usab ang variety show sa timoteo uy sports complex sa barangay Carmen nga gipresentaran sa mga kawani sa CSWD, day care workers ug mga preschooler.
Atol sa variety show didto ang presensya ni CSWD Officer Ludie Salud Raras, Punong Barangay Pablita Manda, PO3 Michelle Santos-tinugyanan sa WCCD sa PNP ning syudad, City Councilor Cecilia Mabanag, Konsehal Loloy Cartajenas ug ang representante ni City Vice Mayor Kaloy Bernad-Mr. Fernando “Nanding” Gamboa Dumanjug.
Oktobre-28, adlaw’ng mierkules, nahimong destinasyon sa ilang educational tour ang aqua-marine park sa Brgy. Tigdok, Tudela.
No comments:
Post a Comment