OZAMIZ City - Treasurers Office kusganong nagtinguha nga makolekta ang buhis sa propridad nga wala kabayri sa mga tag-iya kun tax delinquent real property owners sa Ozamiz City. Gipasabot ni Ozamiz City Treasurer Alma Toledo nga ang pagkolekta sa real property taxes usa sa maayong paagi nga moumento ang kinitaan sa siyudad.
Gumikan sa maong tinguha usa ka resolution nga tumong niini ang pagmogna ug usa ka task force nga tahasan sa pagkolekta sa buhis sa mgadelekuwente nga tag-iya ug mga kabtangan ang gisugyot nga palig-onon sa konseho atol sa regular session kagahapong adlawa , apan nagkasabot ang tanang sakop sa konseho nga ibalik ngadto sa buhatan sa mayor ang maong hangyo gumikan kay ang katuyoan niini anaa nahisakop sa gahum sa mayor isip hepe ehekutibo.
Gipasabot ni Konsehal Taryn Mecaros, presiding officer nga dili na kinahanglan pa nga mopalig-on og usa ka resolution alang sa kamognaan sa task force kini gumikan kay mas sayon ug dali nga mopagawas na lang og usa ka mando ehekutiboa si Mayor Aldong Parojinog alang sa kamognaan sa Task Force for Tax Collections.
Gipasabot og dogang ni Mecaros nga basi sa Republic Act 7160, gilatid niini ang mando sa mamahandi sa lokal nga kagamhanan nga mopagawas og warrant of levy alang sa tag-ya sa kabtangan nga wala mobayad sa buhis ug kun ugaling magdumili sa gihapon sa pagbayad, imantala kini ug ibaligya ngadto sa publiko ang kabtangan aron makuha sa goberno ang halin niini tugbang sa kantidad sa buhis nga wala kabayri.
Ang goberno lokal nagkinahanglan og dakong kantidad alang sa iyang operation sa kataposang tulo ka bulan ug pamaagi nga molambo ang kinitaan niini ilabina sa sunod tuig nga mokabat sa P161M ang target sa local collection sa dakbayan. (Nanding G. Dumanjug, Office of the Vice Mayor)
No comments:
Post a Comment