Senior citizens nakadawat og P20,000 nga pundo gikan ni Ramiro

TUDELA, MisOcc.- Gitunol ni second district representative Herminia ’Hermie’ Ramiro, sa lalawigan sa Misamis Occidental ang cash nga nagkantidad P 20,000 alang sa kalingawan sa senior citizens nga gipahigayon sa municipal gym sa lungsod sa Tudela.

Sumala pa ni kongresista Ramiro ang maong kantidad iyang pahalipay sa senior citizens. Kini gigasto sa mga premyo ug uban nga galastohan atol sa kalihukan.
Dugang pa ni Ramiro ang pagtambong sa programa sa senior citizens usa sa iyang giulian. Usa kini ka pamaagi nga matapok ang mga membro sa kahugpungan.

Pinaagi niini, makapadayag ang mga tigulang sa ilang gusto nga ipaabot ni congresswoman Ramiro ngadto sa kongreso sama sa pagpanday og balaudnon alang sa ilang sektor.