Ambulance sa LCP alang sa Ozamiz na-release na

OZAMIZ CITY - Gihatag na sa Philippine charity Sweepstakes Office (PCSO) ang ambulance alang sa Ozamiz gikan sa League of Cities of the Philipppines (LCP) niadtong Octobre 28.

Gikadungan ni Mayor Reynaldo Parojinog Sr., si Pagadian City Mayor Sammy Co didto sa buhatan sa PCSO sa Quezon City niadtong Mercoles atol sa pagturnover sa ambulance.

Dungan sila si Co ug Mayor Parojinog sa ilang request sa ambulance pinaagi sa LCP. Ang presidente sa League of Cities nga si Mandaloyong City Mayor Benjur Abalos, ang nagpasayon sa request sa mga Mayores sa syudad sa Pilipinas kinsa gusting maka-angkon ug ambulansiya gikan sa PCSO.

Si Mayor Aldong mismo ang nangunay pagsusi sa mga gamit sa ambulansiya gikan sa oxygen, fire extinguishing , stretchers, tool box, ug uban pang accessories sa ambulance.

Sa pagkakaron tulo ka mga daan apan serviceable ambulance ang anaa sa Ozamiz. Usa ka unit sa rescue team, usa ka unit sa City Health Office, ug usa ka unit sa SM Lao Hospital.

Ang bag-ong ambulance, maoy ika-upat nga unit sa syudad. Gidugang ni Parojinog ang bag-ong ambulance, mag-standby sa City Hall alang sa mga emergency call.

P336,000 ang counterpart sa syudad isip bayad sa maong ambulance, samtang P33,000 ang gibayran nga insurance sa matag unit niini.