USA sa nakadapit sa pagtagad sa nakalabayng kalamidad nga mihapak sa Metro Manila ug sa silingang mga lalawigan mao ang nanablay nga mga basura.
Gipahayag ni Dingal nga nagpakita lamang kini nga wala tarunga sa paghipos ang atong mga basura gumikan kay bisan asa na lamang kini ipanglabay.
Gani gisaway ni Dingal ang pipila nga nagsigi gihapon ug daub.
Nagkanayon si Dingal nga takos natong hinumduman nga kadtong maong baha og lunop usa sa hinongdan niadto mao ang gitawag nga climate change nga mirulta o miepekto usab sa global warming.
Gipasabot usab ni Dingal nga ang global warming mao ang resulta sa atong pagpasagad ug sa atong kanunay nga pagdaut sa atong kinaiyahan.
Gidugang sa pagpasabot ni Dingal nga samtang nagkadaghan ang mga tawong nakatampo sa pakahugaw sa kahanginan o air pollution nagkahanaw usab ang mga kahoy nga mao untay mosuyop sa mga aso,(carbon dioxide) ug mosala sa hugaw nga hangin.
Ang mga gibuga nga mga aso gikan sa korse, pabrika og sa mga gidaubang butang adto mopaingon sa kawanangan og kini ang nahimong hinungdan sa padayong pag-init sa kalibutan.
Luyo niining tanan, gipasabot ni Dingal nga dili nato angayang basulon og pasanginlan ang Ginuo sa mga dautang panghitabo nga resulta mismo sa kaugalingong binuhatan sa tawo. ( Romericko Gregorio )
No comments:
Post a Comment