OZAMIZ CITY: Si Congressman Yevgeny Vicente ’Bambi’ Emano, anak sa banggi-itang pulitiko sa Cagayan de Oro City nga si Vicente ’Dongkoy’ Emano, ug si Zamboanga del Norte Board Member Seth Frederick ’Bulit’ Jalosjos, sa pamilyang Jalosjos sa Dapitan mga batan-on nga breeding sa mga pulitiko, mipagawas og pamahayag alang kang konsehal Nova Parojinog-Echavez.
Nagka-ila sila si Nova ug board member Jalosjos sa election sa mga national officials sa mga young legislators, diin nangayo siya ug suporta ni Nova.
Sumala pa ni Board member Jalosjos, si Nova utukan, ug dunay talag-ong kina-iya sa pagka- mapaubsanon, ug dunay liberato.
Nagkanayon si Board member Jalosjos nga sa iyang kasinatin-an sa pulitika, sanglit ang iyang pamilya mga inila usab nga pulitiko sa Pilipinas, si Nova ang matang sa pulitiko nga layo pa kaayo ug maabot gikan sa iyang pagka-konsehal karon dili lang tungod kay siya batan-on pa kon dili tungod kay ang iyang liderato nahulma gikan sa usa ka lig-ong pundasyon nga gitukod sa iyang amahan nga si Mayor reynaldo Parojinog Sr.,
Ang pagkabatan-on ug ang pagka-babaye, dili babag sa usa ka malampusong lider, sumala pa sa batan-ong kongresista sa second district sa Misamis Oriental nga si Bambi Emano.
Sumala pa ni Emano sa hisgutanan sa pagkabatan-on, siya nagsugod sa pulitika sa idad nga 23-anyus ug nahimong mayor sa usa sa mga lungsod sa Misamis oriental.
Gitandi ni congressman Emano si Nova sa mga inilang babaye sa kalibutan karon sama kang Hilary Clinton, kinsa epektibong napadagan ang iyang katungdanan, nga mas sikat pa sa iyang bana nga kanhing presidente sa Estados Unidos nga si Bill Cinton.
Gidugtong pa ni Emano nga mga babaye ang senador nga misikat sa Pilipinas karon, ug sa Kamara naghari usab ang mga babaye sama ni Misamis occidental second district Rep. Hermie ramiro nga nagkupot ug gamhanan nga komitiba. Ug labaw sa tanan, babaye ang presidente sa Pilipinas karon. (RONDA BALITA)
No comments:
Post a Comment