Illegal nga panagat padayong gibantayan sa mga kawani sa BFAR

OZAMIZ City - padayong gibantayan sa mga kawani sa BFAR kon Bureau of Fisheries and Aquatic Resources sa Ozamiz ang illegal nga panagat.

Kamatuoran niini, nakompiskar sa mga sakop sa BFAR ang pipila ka kilong isdang gisaw nga nakuha pinaagi sa dinamita sa kadagatan nga sakop sa baybay Maningcol ning syudad.

Gipahayag sa Aquaculturist nga si Mrs. Eliza Pedarse nga nasigpatan sa ilang gropo sa BFAR ug uban sa mga sakop sa Bantay Dagat atol sa ilang gilusad nga pagpamatrolya sa kadagatan ang duha ka dinamitero nga responsable sa pagpa-ulbo.

Apan sa dihang nakaalinggat ang duha ka suspek nga nagdulong ang mga otoridad buluntaryo nilang gihatag og gibiyaan ang nakuhang isdang gisaw dayong palayo.

Hinuon gikompermar ni Pedarse nga miminos na nining panahuna ang kalihukan sa illegal fishing sa kadagatan nga sakop sa Ozamiz gawas lamang sa dynamite fishing nga gipaningkamutan nilang masumpo. ( Romerico Gregorio )