Food Security gihubad sa World Food Summit

Giingong ang Food Security nga gihubad sa World Food Summit nga mahitabo kon ang tanang katawhan sa matag higayon adunay kasayon sa pag-angkon ug igo, luwas ug sustansiyadong pagkaon aron makab-ot ang dietary needs og food preferences alang sa aktibo ug himsog nga estelo sa pagpakabuhi.

Nabutyag sa nakalabayng Accelerated Hunger –Mitigation Program didto sa Cagayan de Oro nga gitambabungan usab sa mga kawani sa City Health Office ug City Nutrition Office sa Ozamiz nga sa Pilipinas, ang pagkab-ot sa seguridad sa pagkaon kuli nga mahitabo gumikan kay minilyon ka mga Filipino napadayong nag-antos sa kagutom ug malnutrition.

Migawas sa resulta sa 7th National Nutrition survey nga subra sa tulo ka milyon ka mga preschoolers nag-antos sa under nutrition, school children , mga batan-on og mga hamtong nag-antos usab sa protein-energy malnutrition ug micronutrient deficiencies.

Unang gipahayag ni City Nutrition Officer Mrs. Lelita Navarez nga ang malnutrition sa nasangpit nga mga gropo sa edad posibling hinungdan sa way makuhang igong ug luwas ug sustansiyadong pagkaon aron matuman ang dietary needs sa matag usa.

Subay niini, gihingusgan na sa City Nutrition Office ang milk feeding program og pagpaasdang sa Infant and Young Feeding Program aron mabuntog ang suliran sa malnutrition ilabina sa top 14 barangay sa Ozamiz nga adunay taas sa prevalence rate sa malnutrition.