Pag-kuwestyon sa disbursement sa calamity fund sa LGU sa Sinacaban wala pa mahuman

SINCABAN MisOc :Wala pa mahuman ang pagkuwestyon ni konsehal Maria Elena Paeldin sa wala pagsunod sa proseso nga pagpagawas sa calamity fund sa local government unit sa Sinacaban nga nagkantidad og P216,200.70.

Kining maong kantidad gi-disburse pinaagi sa tulo ka reles, nga gilangkuban sa P67,936.20 alang sa deisel fuel sa LGU vehicles nga gibayad sa Lim Ho Chuan Seng Enterprises pinitsahan ug July 13, 2009; P102,564.00 alang sa mga construction materials nga gibayad sa Mindanao rock nga pinitsahan ug Pebrero 27, 2009; ug P 45,700.50 alang sa laing construction materials nga gibayad sa Mindanao rock, nga pinitsahan ug April 4, 2009.

Nasayran, una na nga gikuwestyon ni konsehal Paildin ang maong disbursement, human niya madiskobrehe nga nakuhaan na ang pondo sa calamity fund sa lungsod, ug gigamit sa proyekto nga walay relasyon sa programa sa disaster.

Nagkanayon si Paeldin, nga kung ugaling gamiton ang camality fund, nagkinahanglan kini ug appropriation ordinance gikan sa Sangguniang Bayan, apan wala siya makahinumdom nga nakapasar sila ug ordinansa labot niini .

Gipasabot ni Paeldin nga dunay tulubagon ang mga tawo nga involve sa pag-disburse sa pondo, nga naglakip ni Mayor Dello Lood isip chief executive sa lungsod. (RONDA BALITA)