WALA nay makapugong sa hukom ni Ozamiz City Vice-mayor Carlos Patricio ‘Kaloy’ Bernad sa hukom nga magpapili sa pagkagobernador sa lalawigan sa Misamis Occidental.
Bisan tuod og wala pa makompleto ang iyang linya, gipasabot sa bise-mayor nga tinguha niya nga mapalapdan ang iyang serbisyo sa lalawigan human sa iyang termino sa pagkabise-mayor.
Si Bernad ilalom sa Liberal Party (LP) nga mao usab ang partido ni Senador Noynoy Aquino.
Gipasabot ni Bernad nga kon adunay mga kandidato nga gusto nga mopailalom sa iyang partido iya usab kini nga dawaton basta nahaom sa ilang mga tinguha sa kalambuan.
( Neptalie Batolenio)
PROGRAMA UG PANGLANTAW NI VICE MAYOR KALOY BERNAD
ReplyDeletePamahayag:
SI KALOY-NOYNOY UG MAR mihan-ay og programa nga mosulbad sa kapobrihon sa Misamis Occidental nga gitawag og “PAGBATI”
Kini nga programa nagsukad sa kinahilabmang bahin sa sensiridad, konsepto, pagtuo ug panlantaw nga makatabang sa paghaw-as sa katawhan sa lalawigan nga nag-antos sa kapos nga kapobrihon.
Ang “PAGBATI” nagkahulogan og Pagpalambo sa produksiyon sa panguma-
pagproseso ug panginabuhi,
Balansing ekolohiya ug edukasyon,
Torismo-negosyo-pamohonan ug batakang serbisyo,
Inprastrakturang kahimanan.
Ang Misamis Occidental ginasahan sa Dios nga may 1,939.32 kilometro kuwadrado sa kinatibuk-ang gidak-on sa kayutaan diin nahimotang sa Amihanang Kasadpang Mindanao nga sa utlanan nga bahin niini anaa ang tulo ka makasaysayanong baybayon nga mao ang Panguil Bay, Murcielagos Bay ug Iligan Bay ug sa iyang luyong bahin niini, anaa ang nagbuntaog nga talay sa Bukid Malindang ug Bukid Amparo. Kini nga kamognaan sa Dios maoy naghatag og gasa sa kinabuhi sa tanang kabuhatan sa lalawigan.
PAGPALAMBO SA PRODUKSIYON SA PANGUMA UG PAGPROSESO
Ang atong lalawigan panguma ang dugokan sa ekonomiya nga may gidak-on sa iyang yuta pang- agrikultural nga moabot sa 118,933 hektaryas. Kabahin niini adunay kidak-on nga 13,861 hekataryas, gitamnan og mga lagutmon, 6,831 hektaryas ang kahumayan, 101,784 hektaryas ang kalubihan, 16,800 hektaryas kamaisan. Kini nga gasa sa kamognaan maoy maghatag kanato og walay kataposan nga kahigayonan sa paglambo pinaagi sa pagpadas-ag sa atong abot o produksiyon.
Ang kagamhanan kinahanglan gayud nga molambigit sa pagpalambo sa produksyon pinaagi sa paghatag og epektibong tabang teknikal ug pinansiyal.
Ang gobernong lokal mahimong mopalit, moabang o makigsabot alang sa partnership nga kasabutan aron makabaton og yuta o uban pang kahimanan alang sa pagpalambo sa atong produksiyon sa panguma.
Ipaasdang ang organic farming aron mukunhod ang gasto sa panguma, makatabang sa pagpasig-uli sa naumaw nga kayutaan ug kinaiyahan.
Ang pagproseso sa atong taas nga abot sa panguma makamogna og oportuyinidad sa panarbaho, pagtaas sa kinitaan sa katawhan, pag-usawag sa ekonomikanhong kahimtang sa matag pamilya, seguridad sa egong das-ag sa pagkaon, lig-on nga kahimsug sa matag banay ug dili lisod nga pagpaeskuwela sa kabataan.
Gumikan sa maayong kayutaan, palibot ug tubig sa atong mahal nga lalawigan, mabuhi ug mapasanay ang mga kahayopan sama sa carabao, baka, baboy, kanding, kabayo ug sa atong katubigan mahimong mopasanay og ulang, pansat, alimango, bangus, laya, pugapo ug uban pang matang sa isda ug buhi lamang dagat,
busa; ang Panguil Bay kinahanglan nga panalipdan ug palahutayon.
Kini nga gihisgutan sa unahan nga mga rerskursos naturales mahimong padaghanon ug prosesuhon aron makamogna og panginabuhi, mopataas sa kinitaan sa katawhan sa lalawigan.
Pagpahigayon og subsub nga skills training aron mapalambo ang kaantigo ug kahibalo sa atong kusog pamuo pinaagi niini makatrabaho sa sulod o gawas sa nasod; aron mas mahimong epektibo, ang kagamhanang lalawigan o lokal mismo ang magmogna og programa alang niini nga pagatawgon og
“Work Now Pay Later” Employment Placement Program.
Aron mahimong lig-on ang programa, magtukod ang kagamhanang probinsiyal og skills training complex alang sa massive skills training program.
Balansing ekolohiya-
ReplyDeleteAng Bukid Malindang, Amparo, Panguil Bay, atong kagulangan, kanipaan,
kayutaan, suba, sapa ug kahanginan kinahanglan nga dili gusbaton hinuon panalipdan, palambuon ug palahutayon kay kini mao ang atong kinabuhi ug kaugmaon.
Atong gikinahanglan nga ipatuman ang mga balaod nga nanalipod, mopalahutay sa atong palibot.
Mas ipadayon ug palambuon ang mga programa alang sa pagpahibalik sa atong nadaot nga palibot.
Massive reforestation and pollution control program sa hangin, kayutaan ug katubigan ilabina nga daghan kaayo ang nagpakabuhi sa Panguil Bay.
Edukasyon-
Kini giisip nga yawe sa paglambo, usa ka tahas nga tambayanongan tali sa matag pamilya ug kagamhanan aron mahatag ang katungod sa katawhan alang hustong edukasyon. Apan kinahanglan gayod nga palig-onon ang ekonomikanhong kahimtang sa matag pamilya aron makaangkon og maayong edukasyon ang katawhan.
Torismo-
Ang lalawigan dato sa kasaysayan nga giisip nga kini usa ka bahandi. Ang mga dapit sa lalawigan ug ang katawhang Misamisnon kabahin sa kasaysayan gikan sa unang pagbutho sa sibilisasyon ngadto sa bag-ong henerasyon.
Tungod niini daghan dapit sa Misamis Occidental nga makasaysayanon nga makaingganyo sa torismo.
Negosyo-Pamohunan
Ang pagpadas-ag sa atong ani, pagproseso sa atong abot, pagpalambo sa torismo, makamogna og negosyo, makapadani sa lokal ug langyawng negosyante. Kini nga kahigayonan makamogna og oportiyunidad sa panarbaho.
Dili lisod ang paghatag og batakang serbisyo sa katawhan sama sa serbisyo alang sa maayong panglawas, peace and order, sanitations ug uban pa kon adunay saktong resources ang katawhan, gumikan kay kon taas ang kinitaan sa katawhan, motaas usab ang makolektang buhis sa goberno nga maoy gamiton sa paghatod sa batakang serbisyo sa katilingban.
Inprastrakturang Kahimanan-
Ang pagtukod ug mga inprastraktura kinahanglan nga may kalambigitan sa atong mga tinguha ilabina ang pagpalambo sa atong produksiyon ug pagproseso sa atong abot.
Kabahin niini ang pagbuhat ug mga road-networks sa kabukiran, water system, alternative source of power sama sa solar and wind energy ug uban pa.
Kini tipik ug bahin lang sa atong plano ug panglantaw aron mahaw-as ang lalawigan gikan sa talay sa mga probinsiya nga gigapos sa kawad-on.
Sa ngalan sa pag-alagad sa Dios ug sa Katawhan,
Kaloy Bernad
KALOY BERNAD
ReplyDeleteATONG PAGLAUM ….. ATONG KAUGMAON
MAHADLOKON SA DIOS, MATINUD-ANON SA KATAWHAN
MAY KATAKUS UG ABILIDAD SA PAMONOAN
K U W A L I P I K A S Y O N
LESINSIYADO NGA CHEMICAL ENGINEER
NAGDUMALA (Executive)
MAGBABALAOD
BESI MAYOR SA OZAMIZ CITY
NEGOSYANTI
MAG-UUMA
KASINATIAN SA PRIBADONG PANERBISYO
15 ka tuig nga Sales Manager sa San Miguel Corporation (SMC) sa Mindanao ug Kabisay-an
Plant Manager sa SMC
Negosyanti (buyer of Cassava and poultry raiser)
Proprietor – Manager of Carmelas
KASINATIAN SA GOBERNONG PANERBISYO
Konsehal sa siyudad sa Ozamiz sulod sa usa ka termino
Magsiyam ka tuig nga Besi Mayor sa Ozamiz City
ANG PAMILYA NI KALOY BERNAD
ReplyDeleteNAG-ALAGAD SA DIOS……………………
NAG-ALAGAD SA KATAWHAN…………………
IYANG APOHAN- KANHI GOBERNADOR DON ANSELMO BERNAD SA MISAMIS OCCIDENTAL (1931-1941)
IYANG AMAHAN- KANHI MAYOR FERNANDO “Dongdong” BERNAD SA DAKBAYAN SA OZAMIZ
IYANG UYOAN- ANG NAILA NGA HISTORIAN PRIEST FR. MIGUEL BERNAD
IYANG AYAAN- SISTER REGINA “Inday” BERNAD
SISTER TERESITA BERNAD
GITAHAN ANG ILANG KINABUHI ALANG SA DIOS UG KATAWHAN.
Atong Paglaum!!!
ReplyDeleteKALOY, NONOY-MAR
NAGSUNOD SA LEGASIYA SA MGA GINIKANAN NGA MAHADLOKON SA DIOS, MATINUD-ANON, NAGSAKRIPISYO ALANG SA KATAWHAN.
KALOY BERNAD – Apo ni Former Governor Don Anselmo Bernad (1931-1941) sa Misamis Occidental, ang nagtukod sa Provincial Capitol, Provincial High School, Provincial Hospital , Oroquieta-Jimenez Bridges ug mga Road Networks sa tulo ka siyudad ug mga kalungsoran sa probensiya.
Anak ni Former Mayor Fenando “Dongdong Bernad” (1964-1967, 1972-1973-1980)
Ang nagtukod sa City Hall sa dakbayan sa Ozamiz, pagdonar sa kayutaan sa ilang pamilya aron matukod ang City Hall, Ozamiz City National High School, Ozamiz City Cathedral, Immaculate Concepcion College nga karon La Salle University, Bgy. Doña Consuello, Irrigation System, proper local government set ups.
Modelo sa maayong panggoberno dili corrupt.
Noynoy Aquino
- Ang anak sa nasudnong bayani Kanhi Senadur Ninoy Aquino ug Kanhi President Corazon Aquino, nakigbisog alang sa pagbuhi sa demokrasya, kagawasan ug lig-dong nga panggoberno.
Mar Roxas
- Apo ni kanhi Presidenti Emmanuel Roxas ug anak ni kanhi Senador Gerry Roxas kinsa nagsakripisyo alang sa kaayohan sa katawhan sa nasod.
Sila ang mga pangulo nga adunay legasiya, lederato alang sa matinud-anon nga panggoberno, Atong PAGLAUM., …. ATONG KAUGMAON….