Taga Litapan nagpasalamat ni Ramiro

OZAMIZ City - Mipadangat sa iyang pasalamat si kapitan Mercedez Cabal sa barangay Litapan ning syudad ngadto kang Congresswwoman Hermie Ramiro tungod sa padayon niining suporta sa iyang mga proyekto sa nasangpit nga barangay.

Gisaysay ni kapitan Cabal, nga dako ang iyang pasalamat ngadto ni Congresswoman Ramiro tungod sa ubay-ubay na nga natabang niini sa mga kalamboan sa iyang barangay sama sa paggahin ug pundo niini alang sa ilang barangay library sa kantidad nga P 100,000.00 pesos, ug lakip na sa dugang kantidad nga P 50,000.00 alang sa dugang proyekto niini nga botika ng barangay diin dako usab kini ug tabang alang sa katawhan sa ilang barangay diha sa pagpalit ug mga barato ug dikalidad nga mga tambal lakip sa iyang gipasalamatan ang mga kadagkoan sa syudad sa pagpangulo ni Ozamiz City Mayor Reynaldo O. Parojinog Sr. Nga nakatabang usab sa mga kalamboan sa ilang barangay.