Napulo ug siyam na lamang ka mga barangay sa dakbayan sa Ozamiz ang wala pa mabutangi og boteka ng barangay.
Kini human gibuksan kaganihang buntag-noviembre 10 ang ika-32 nga boteka ng barangay sa barangay Liposong.
Ang pagbukas sa bag-ong BNB, gisaksihan nila ni City Councilor Nova Princess Parojinog-Echavez ug City Councilor Matronilo “Loloy” Cartajenas ug mga sakop sa City Health Office.
Daku ang pasalamat ni Liposong Punong Barangay Gregorio Ocampos nga sa katapusan, napahimotangan na gayud ang iyang barangay ug boteka ng barangay.
Diin sayon na alang sa mga residente ang pagpalit sa generic nga mga tambal.
Positibo usab sa iyang panglantaw si Nurse Alma Sirot, ang BNB Coordinator sa city health office nga sa dili madugay malukop na ang 51 ka mga barangay sa ozamiz.
Kini human mipakita og kadasig ang katunga sa mga nahibiling barangay nga interesado usab sila nga mopahimulos sa programa sa department of health. (Adonie E. Decena)
No comments:
Post a Comment