OZAMIZ City - Tagsa-tagsa nga gipangtisok sa mga estudyante sa Ozamiz City School of Arts and Trade (OCSAT) ang singkwenta ka mga similya sa bakhaw sa barangay Maningcol,Ozamiz City.
Ang gihimong mangrove planting sa mga estudyante may kalambigitan kini sa ilang mga tulomanon isip school organization usa niini ang paghatag og pagtagad sa kinaiyahan labina ang pag-atiman sa bahiya sa Panguil.
Gipahayag ni Rosie Villamor, science club adviser sa OCSAT nga gawas sa mga estusdyante, madasigon usab nga mialayon sa programa ang mga barangay official sa Maningcol sa pagpanguna ni Punong Barangay Luiz Santos.
Gikalipay usab nila ang walay pu-as nga pagsuporta ni City Councilor Nova Princess Parojinog-Echavez sa bisan unsang kalihukan nga gipasayon sa tulongha-an.
Dasig usab nga gipahibalo ni Villamor nga ang nasangpit nga kalihukan tibuok tuig nila kining himuon alang sa uban pang dapit sa coastal area sa syudad.
Nagto-o usab si Mistine Revelo usa sa mga miembro sa school club nga ang ilang gihimo bisan ginagmay apan daku na kini og mahatag nga tampo sa pagpreserbar sa kinaiyahan.
Una nang nagpahigayon og tree planting ang school club sa OCSAT didto sa Hoyohoy, Tangub City.( Adonie E. Decena)
No comments:
Post a Comment