Misamisnon gidasig sa DOH nga pilion sa pagpalit ang mga fortified foods

PADAYONG gidasig sa Department of Health ( DOH )ang mga katawhang Misamisnon pinaagi sa Provincial Nutrition Office nga pilion sa pagpalit ang mga fortified foods , kon mga pagkaon nga dasok sa vitamin A og D.

Kini ang panawagan ni Provincial Nutrition Coordinator Mrs. Agnes Omega atol sa gihimong niini sa pagpakighinabi

Gipasabot ni Omega nga daghang mga pagkaon sa merkado o sa mga supermarkets nga walay gikahatag nga sustansiya o bitamina sa lawas ilabina sa mga nagtubong kabataan.

Subay niini, gisuguyot sa reheyunal nga buhatan sa Nutrisyon og sa Maayong panglawas ang pagseguro nga adunay tatak sa Sangkap Pinoy seal ang produktong pagkaon nga paliton.

Ang mga pagkaong adunay marka nga Sangkap Pinoy garantisadong adunay makuhang sustansiya og bitamina gumikan kay misunod man kini sa programa sa Department Health kalabot sa Good Nutrition –drive-out Hunger.