Principal sa Ozamiz City National High School nagtoo nga si Board Member Henry Oaminal ang tubag sa pipila ka mga suliran sa tunghaan

NAGTOO ang principal sa Ozamiz City National High School, Mrs. Jovita Saquin nga si Board member Henry Oaminal ang tubag sa pipila ka mga suliran sa kakulangon sa mga gamit sa City High.

Sumala pa ni Mrs. Saquin, gikinahanglan sa city high ang suporta ni board member Oaminal, ug iyang gipanghinaot nga palapdan pa ni Oaminal ang pagpangalagad sa katawhan isip usa ka pinili nga opisyal sa lalawigan.

Gihimo ni Mrs. Saquin kining maong pamahayag atol sa pag-deliver ug pagturn-over ni board member Oaminal sa computer set alang sa City High niadtong nakalabayng simana.

Si Board member Oaminal ang author sa paspas nga paghatud sa mga proyekto nga gikinahanglan sa mga barangay, public schools, peoples organizations ug sa mga None-governmental organization NGO sa second district sa Misamis Occidental.

Basi sa record sa pag-reles sa mga proyekto gikan sa rural urban development fund sa mga board members, tua kini pa-ingon sa sharing nga gimugna ni board member Oaminal kang kinsang mga beneficiaries kadaghanan ania sa Ozamiz , Clarin ug Tudela.