OZAMIZ City - Paspas nga molambo ang produksyon sa agrikultura sa mga barangay sa kabukiran kung mahuman ang mountain road project ni second district representative Herminia ’Hermie’ Ramiro sa Misamis Occidental.
Gipadayag ni Mayor Reynaldo ’Aldong’ Parojinog, Sr., sa dakbayan sa Ozamiz, apil sa mga makapahimulos ang kabaryohan gikan sa Calabayan, Liposong, Pantaon, Capucao, Stimson Abordo ug mga kasikbit nga dapit.
Kung mahuman ang sementado nga karsada, mas dali ang pagpasulod ug pagtumod sa mga produkto ngadto sa merkado.
Ang Stimson Abordo usa ka sentro sa production gikan sa kaumahan. Dinhi gitumod ang mga produkto sa mga silingan nga barangay sama sa mais, humay, saging, utanon ug prutas.
Labaw na nga motukod og planta sa tubo ang Isabela Alcogas Corporation. Ang tubo usa sa mga tinubdan sa alternatibong pangtubil sa sakyanan.
Gawas sa dakbayan sa Ozamiz, ang mga residente sa kanait nga lungsod sama sa Clarin, Tudela ug Sinacaban makapahimulos usab.
No comments:
Post a Comment