Positibo ang panglantaw sa Misamis Occidental II Electric Cooperative nga mas molambo pa ang serbisyo sa kooperatiba ngadto sa mga konsumante sa sugang dagitab.
Kini human gimugna sa kooperatiba ang usa ka external nga kahugpongan nga motabang pagbantay sa kooperatiba.
Nagkadaiyang sektor sa katawhan ang gipang-imbita atol sa kalihukan.
Adunay mga professional nga gikan sa national ug pribdong buhatan, nga non-government organization, mga barangay officials ug mga yanong individual.
Ang katuyo-an sa MOELCI-II sa pagdapit kanila aron ipakig-ambit ang kahimtang sa mga kooperatiba ilalom sa landong sa national electrification administration kon NEA isip usa ka non-stock cooperative ug ang mamahimong sanglitanan kun’ hingpit na gayud kining magparehistro sa cooperative development authority kon CDA.
Human sa seminar, gipahigayon usab gilayon ang pagpili sa mga official sa multi sectoral electrification advisory counsel kon MSEAC.
Gipaklaro ni Institutional Services Department Manager Dolorcita Omandam nga ang pagtugod sa maong kahugpongan wala nagpasabot nga gamiton kini isip hinagiban pagsupak sa pagpasakop sa CDA.
Walay mahimo ang kooperatiba kon buot gayud sa mga membro konsumante nga mopailalom sa pagdumala sa CDA. ( Ronda Balita )
No comments:
Post a Comment